Aktîvîstê belçîkayîjî Diego Del Norteyî vat ke ganî her kes seba azadîya Serekê PKKyî Abdullah Ocalanî têkoşîn bikero û wina dewam kerd: “Ocalan seba pêro merdimanê dinya beno çimeyê hêvî û îstîfadekerdişî. Ganî ma azadîya Ocalanî biwazê û bîyarê ca.

Del Norteyî ard ziwan ke ganî her kes wayîrê Hemleya Azadîye vejîyo û vat: “Cayanê cîyayan ra, Hîndîstan, Fîlîpîn, Kolombîya, Ewropa ûsn ra xeylêk merdimî paradîgmaya Konfederalîzmê Demokratîkî ya Ocalanî sey îdeolojîya îstîfadekerdişî vînenê. Ney zî mojnenê ke her kes raştê heman meseleyan yeno. Babetê dewleta netewe, sînoran, nasnameyan tim benê rojdem. Vera nê meseleyan paradîgmaya Abdullah Ocalanî rayîrê felate mojnena.”

Del Norteyî bale ante girîngîya Hemleya Azadîye ser û vat: “Şarê kurdî û lîderê PKKyî Abdullah Ocalan raştê teda, tecrîd û hêrişan yenê. Abdullah Ocalan 20 serran ra zêdeyêr o ho binê tecrîdî de yo. Seba azadîya Abdullah Ocalanî ganî her ca de têkoşîn bêro kerdene. Ocalan seba pêro merdimanê dinya beno çimeyê hêvî û îstîfadekerdişî. Ganî ma azadîya Ocalanî biwazê û bîyarê ca. Abdullah Ocalan heman wextî de nuştoxêk o ke wayîrê fikranê xorinan o.”