Monday, September 20, 2021

HDP şi warê Çemê Zorava

HDPyî netîceya çimdarîyanê xo yê Çemê Zorava û Dihî eşkera kerde. HDPyî pare kerd ke yeno waştene ke pê awbendê Çemê Zorava xoza, tarîx û kulturê xo ra bêrê qerifnayene.

Hemvervatoxanê Komîsyonê Ekolojî yê Partîya Demokratîke ya Şaran (HDP) Menekşe Kizildere û Nacî Sonmezî Serekwekîla HDPyî Meral Daniş Beştaş reyde warê Çemê Zorava de cigêrayîşî kerdî. Cigêrayîş û çimdarîye de dewijê Şavûra zî tewrê heyetî bîyî.

Fermandarîya Alayê Cendirmeyan ya Tirkan 6 wesayîtê kîrpî û tomayêke semedê astengkerdişê heyetî şawitî.

Heyetî çimdarî û cigêrayîşî ra dima nê tesbîtî kerdî: ”Hêzê Awbendê Hîdroelektrîkî do 21MW bo. HESî baskêkê Çemê Dihî bi temamî çin kerdo. Herême de heywanî kêmîyayê, tewirê masêyan kêmîyayê. Semedê HESê diyînî ÇEDî raporêko negatîf dayo. La rixmê ney zî selahîyetdaran semedê viraştişê HESî îmzayî arê dayê. No HESo diyîn do zerarêkê pîlî bido herême. Ganî proje bêro betalkerdene. Herême de hamnanan hewa beno 46 derece. Eke awa herême bêra antene netîceyê xirabî qewimîyenê. Coka ganî herême bêra pawitene.” ANQARA 

HDP şi warê Çemê Zorava

HDPyî netîceya çimdarîyanê xo yê Çemê Zorava û Dihî eşkera kerde. HDPyî pare kerd ke yeno waştene ke pê awbendê Çemê Zorava xoza, tarîx û kulturê xo ra bêrê qerifnayene.

Hemvervatoxanê Komîsyonê Ekolojî yê Partîya Demokratîke ya Şaran (HDP) Menekşe Kizildere û Nacî Sonmezî Serekwekîla HDPyî Meral Daniş Beştaş reyde warê Çemê Zorava de cigêrayîşî kerdî. Cigêrayîş û çimdarîye de dewijê Şavûra zî tewrê heyetî bîyî.

Fermandarîya Alayê Cendirmeyan ya Tirkan 6 wesayîtê kîrpî û tomayêke semedê astengkerdişê heyetî şawitî.

Heyetî çimdarî û cigêrayîşî ra dima nê tesbîtî kerdî: ”Hêzê Awbendê Hîdroelektrîkî do 21MW bo. HESî baskêkê Çemê Dihî bi temamî çin kerdo. Herême de heywanî kêmîyayê, tewirê masêyan kêmîyayê. Semedê HESê diyînî ÇEDî raporêko negatîf dayo. La rixmê ney zî selahîyetdaran semedê viraştişê HESî îmzayî arê dayê. No HESo diyîn do zerarêkê pîlî bido herême. Ganî proje bêro betalkerdene. Herême de hamnanan hewa beno 46 derece. Eke awa herême bêra antene netîceyê xirabî qewimîyenê. Coka ganî herême bêra pawitene.” ANQARA