Hemserekanê Pêroyîyan ê HDPyî Pervîn Buldane û Mîthat Sancarî beşdaranê kongre rê sipas kerd û vat : “Çareserî ma yê, vateyê ma est o.”

Hemserekanê Pêroyîyan ê HDPyî Pervîn Buldane û Mîthat Sancarî beşdaranê Kongreya Pîle ya 5. ya HDPyî ra bi mesajêkî sipas kerd.

Buldane û Sancarî mesajê xo de wina vat: “Ma her keso ke kongreya ma vurnaya kongreya vurîyayîşê Tirkîya rê sipas kenê. Şert û mercanê îstîsnayîyan ê Tirkîya de û mîyanê atmosferê krîzî de şarê ma Kongreya ma ya 5. vurnaye roşanê demokrasî, qerardarîya ma ya têkoşînî zêdînaye û îsbat kerd ke pêro astengî û hêrişî pê zanistî, îrade û fedakarî bêrê derbazkerdene.

Embazê ke ma teyna nêverdayî, kesê ke vera hêrişan paştdayîşê xo ma rê mojna, rêxistinanê komelê sivîlî, temsîlkarê partîyan, keyeyê ke bedelî dayê,

Partîyê ke Rojhelatê Mîyanênî ra heta Ewropa, Kurdistanî ra heta Balkanan ameyî û kongreya ma vurnaya kongreya enternasyonelîste,

Înan rê, kedkaranê çapemenîye rê, embazanê ma, îdarekar, zerrîwazanê partîye û kedkaranê partîye rê zaf sipas kenê.

Na kongre kongreya vurnayîşê Tirkîya zî bîye. Îqtîdarî reyna tersê kongreya ma ra hêriş û tehqîqatî ardî ziwan. Ma vizêrî ra xurtêr ê, ma do siba zî hîna xurtêr bê. Ma reyna vanê ke ‘çareserî ma yê, vateyê ma est o.’ Ma do bi mesuldarîya na kongre ameyoxê şarê xo roşnî bikerê.”