Heyetê HDPyî Atîna de tayê zîyaretî kerdî û tewrê kongreya Koalîsyonê Çepgirî yê Radîkalî (SYRIZA) bî.
Heyetê HDPyî mabênê 13-15ê nîsane de Atîna de tayê pêvînayîşî kerdî û vizêr şan de îdareyê neweyî yê SYRIZA de kom bî. Heyet vizêr agêra.
Vervatoxa HDPyî Ebru Gunaye, Hetkara Hemserekanê HDPyî ya Têkilîyanê Teberî ra Mesuldare Feleknas Uca û Parlamenterê HDPyî Sezaî Temellî heyet de bîyî. Hemserekê Pêroyî yê HDPyî Mîthat Sancarî bi vîdeoyêkî mesaj şawit kongre û mesaj salona kongre de ame mojnayene.
Bernameyî ra dima heyetî û Serekê SYRIZA Alexsîs Tsîprasî pêvînayîş kerd û derheqê têkilîya mabênê înan de qisey kerd.
