Êrişên Tirkiyeyê di meha nîsanê de bi hevkariya Partiya Demokrata Kurdistanê (PDK) li herêmên Zap, Avaşîn û Metîna yên Herêma Kurdistanê dabû destpêkirin didomin. Li gorî nûçeyeke ku RojNewsê derbas kiriye, Artêşa Tirk li nêzî bajaroka Xelîfan a navçeya Soran a Hewlêrê li dijî komeke gerîllayên HPG’ê êrîşeke hewayî pêk aniye û pişt re hêzên PDK’ê jî ji bejahiyê ve piştgirî dane êrîşa hewayî ya Artêşa Tir.
Çavkaniyên herêmî jî diyar kirin ku li herêmê şer derketiye û bi lêv kirin ku di êrîşa PDK’ê piştgirî daye Artêşa Tirk de 2 gerîllayên HPG’ê jiyana xwe ji dest dane û 3 gerîlla jî bi birîndarî dîl ketine destê hêzên PDK’ê.
Beriya niha jî PDK’ê li heman herêmê du komên HPG’ê xistibûn kemînê û 9 endamên HPG’ê jiyana xwe ji dest dabûn. Tevî hewldana malbatan jî PDK cenazeyên gerîllayên HPG’ê nedabû malbatên wan.
