Duh hat ragihandin ku Şêwirmendê Supayê Pasdarên Îranê Reza Musewî li nêzî Şamê di encama bombebarana Îsraîlê de hat kuştin.
Wezareta Karên Derve ya Îranê di daxuyaniyek de ragihand, mafê Îranê ye li dijî kuştina Şêwirmendê Supayê Pasdarên Îranê Reza Musewî, di dem û cihê guncaw de tol ji Îsraîlê hilîne.
Serokkomarê Îranê Îbrahîm Reîsî jî di peyamek de ragihand, kuştina Şêwirmendê Îranî Reza Musewî ya li Suriye pêngav û nîşaneyek din a bêhêvîbûn û bêhêziya Îsraîlê ya li herêmê ye. Reîsî got, wê Îsraîl baca kuştina Reza Musewî bide.
