Li gorî rojnameya The Wall Street Journal a Amerîkayê çavkaniyan gotiye di çend hefteyên dawîn de fermandarê Feyleq El Quds Îsmaîl Qanî bi fermandarên li seranserê herêmê re rêzecivîn li dar xistine.

Li gorî çavkaniyan, Qanî hefteya borî li Lubnanê bû û bi fermandarên Hemas, Hizbullah, Cîhad El Îslamî re li balyozxaneya Îranê ya li Beyrûtê hevdîtin kirin. Di heman demê de, çekdarên li başûrê Lubnanê fûze avêtin Îsraîlê ku ji şerê 2006`an ê di navbera Hizbullah û Îsraîlê de ev êrîşa herî mezin bû.

Her wiha fûze ji aliyê Xeza û Sûriyeyê ve ber bi Îsraîlê ve hatin avêtin. Îsraîlê jî bi bomebaranê bersiv da û got dê cihên çekdaran ên li wan herêman bike hedef. Lê belê Îsraîl bi fikar e ku êrîşên nû li ser gelek eniyan pêk werin.

Artêşa Îsraîlê jî diyar kir ku ji ber rageşiyê wan di hefteya borî de tedbîrên xwe yên parastinê zêdetir kirine.

Piştî ku Îsraîlê li dijî Îranê û wekîlên wê li seranserê Rojhilata Navîn bi sedan êriş pêk anîn, hewldanên Qanî yên yekkirina hevalbendên Tehranê, pêşketineke xeternak di şerê veşartî yê di navbera Îran û Îsraîlê de ye.