Di saetên serê sibehê de Îsraîlê careke din êrîşî Sûriyeyê kir. Îsraîl hin deverên leşkerî yên bajarê Himisê kir hedef. Wezareta Parastinê ya Hikûmeta Şamê, der barê mijarê de daxuyanî da û piştrast kir ku Îsraîlê li dijî deverên leşkerî yên Himisê êrîşên moşekî pêk aniye.
Dezgehên çapemeniyê yên girêdayî Hikûmeta Şamê, der barê encamên êrîşî de agahî dan û ragihandin ku di encama êrîşan de 5 leşkerên Sûriyeyê birîndar bûne.
Îsraîl, di 30 û 31’ê adarê de jî li dijî Şamê êrîş pêk anîbû. Bi vê êrîşê re di nav 3 rojan de ev bû êrîşa sêyemîn ku Îsraîl li dijî Sûriyeyê pêk tîne.
