6ê Sibate de merkezê ci qezaya Pazarcixî ya Mereşî de 2 erdlerzê girdî qewimîyayî. Erdlerzan 11 bajaran de xesarê girdî viraştî. Hema hema Mereş, Hatay û Semsûr ê ke erdlerzî ra tewr zêde tesîr bîbî de awanî nêmende. Ekîbê xelisnayîşî yê ke erê şîyî herême, tabloya ke dîye vera mat mendî û kêmanîya ekîpmanan vera dest nêda xeylê xirban. Şar binê xirban de ganî ganî merd. Goreyê dayeyanê fermîyan teqrîben 50 hezaran kesan erdlerzî de dinyaya xo bedilnaye. Derheqê vînîbîyayeyanê erdlerzî de zî tu eşkerayîyêke nîna dayene. Badê Mereşî 20ê sibate de bajarê Hatayî de têdima di erdlerzî qewimîyayî. Rîyê erdlerzî ra awanîyê ke xesar girewtbî zî rijîyayî. Bobelatê erdlerzan û laserî de bêîxmalîya dewlete reyna vejîyaye raşte. Êkîbê xelisnayîşî erê şîyî herême û hema zî hemwelatijanê ke hetkarî nêgirewte estê. Şehmus Kurt (58) o ke nêweşîya kanserî ci de estbî rê hetkarîya xeyme nêdîyaye û mecbur mend ke tewrê keyeyê xo axur de bimano. Kurt o ke taxa Haltanli ya qezaya Islahiye ya Dîlokî de cuyayêne enfeksîyon girewt û 14ê adare de dinyaya xo bedilnaye. Tepişteyo bi nameyê Îlyas Doganî ke erdlerzê Mereşî de keyeyê xo vînî kerd, waşt ke cezaya ci bêro taloqkerdiş û şêro verê waya xo ya ke tena erdlerzî de weş xelisîyaya. Erdlerzan de hîkayeyê winasî vejîyayî raşte ke êdî merdim nêeşkeno tehemmulê îqtîdarê îxmalkarî bikero ke nê mergan de qet para xo nêvîneno. Dek û dolabê îqtîdarî Erdlerzo ke sey felaketa seserre ame binamekerdene de hema mexdurîyet nêamebî derbazkerdene, îqtîdar kewt etîrê weçînayîşî û xebatî dayî destpêkerdene. Na dewlete herinda ke dejê hemwelatijanê xo bipişna û înan het de biba, nika weçînayîşî nîqaş kena ke do na reye dek û dolabanê senîyan ser bikewa. Dewlete hetkarî nêkena Vizêr kanalê televîzyonêkî de yew bername estbî û ewja de ame vatene ke dewletê hemdemî wextê korona de bi helîkopteran pere û hetkarî ronayî balkonanê hemwelatijanê xo, la Tirkîya de heta ke zanayîşê kokê merdimî daxî nêrî girewtene û kontrolê nasnameyî nêro kerdene hemwelatijî nêeşkenê tu hetkarîyêke bigêrî. Dewlete hetkarîya hemwelatijanê xo nêkena. No mird nêkeno, pereyê ke kampanyayan û bacê depremî ra arê dîyayî zî kena xezîneya xo û pereyê şarî yê ke seba roja xirabe arê dîyabî, seba îqtîdarî yenê xerckerdiş ya zî şinê kasaya înan. 17ê tebaxa 1999î de serê xeta Kocaelî, Golcuk û Yalovaye de girdîya ci 7,4î de erdlerz qewimîya û nizdîyê 20 hezaran kesan nê erdlerzî de dinyaya xo bedilnaye. Mexdurîyêtê ke o wext vejîyayî raşte nika hîna giran vejîyenê raşte. Yanî yeno na mana ke nê welatî aye wextî ra heta nika tu gamêke nêeşta û aver nêşîyo.
Kayî senî do bêrê viraştene?
Badê Mereşî 20ê sibate de bajarê Hatayî de têdima di erdlerzî qewimîyayî. Rîyê erdlerzî ra awanîyê ke xesar girewtbî zî rijîyayî. Bobelatê erdlerzan û laserî de bêîxmalîya dewlete reyna vejîyaye raşte. Êkîbê xelisnayîşî erê şîyî herême û hema zî hemwelatijanê ke hetkarî nêgirewte estê
Kayî senî do bêrê viraştene?
Badê Mereşî 20ê sibate de bajarê Hatayî de têdima di erdlerzî qewimîyayî. Rîyê erdlerzî ra awanîyê ke xesar girewtbî zî rijîyayî. Bobelatê erdlerzan û laserî de bêîxmalîya dewlete reyna vejîyaye raşte. Êkîbê xelisnayîşî erê şîyî herême û hema zî hemwelatijanê ke hetkarî nêgirewte estê
6ê Sibate de merkezê ci qezaya Pazarcixî ya Mereşî de 2 erdlerzê girdî qewimîyayî. Erdlerzan 11 bajaran de xesarê girdî viraştî. Hema hema Mereş, Hatay û Semsûr ê ke erdlerzî ra tewr zêde tesîr bîbî de awanî nêmende. Ekîbê xelisnayîşî yê ke erê şîyî herême, tabloya ke dîye vera mat mendî û kêmanîya ekîpmanan vera dest nêda xeylê xirban. Şar binê xirban de ganî ganî merd. Goreyê dayeyanê fermîyan teqrîben 50 hezaran kesan erdlerzî de dinyaya xo bedilnaye. Derheqê vînîbîyayeyanê erdlerzî de zî tu eşkerayîyêke nîna dayene. Badê Mereşî 20ê sibate de bajarê Hatayî de têdima di erdlerzî qewimîyayî. Rîyê erdlerzî ra awanîyê ke xesar girewtbî zî rijîyayî. Bobelatê erdlerzan û laserî de bêîxmalîya dewlete reyna vejîyaye raşte. Êkîbê xelisnayîşî erê şîyî herême û hema zî hemwelatijanê ke hetkarî nêgirewte estê. Şehmus Kurt (58) o ke nêweşîya kanserî ci de estbî rê hetkarîya xeyme nêdîyaye û mecbur mend ke tewrê keyeyê xo axur de bimano. Kurt o ke taxa Haltanli ya qezaya Islahiye ya Dîlokî de cuyayêne enfeksîyon girewt û 14ê adare de dinyaya xo bedilnaye. Tepişteyo bi nameyê Îlyas Doganî ke erdlerzê Mereşî de keyeyê xo vînî kerd, waşt ke cezaya ci bêro taloqkerdiş û şêro verê waya xo ya ke tena erdlerzî de weş xelisîyaya. Erdlerzan de hîkayeyê winasî vejîyayî raşte ke êdî merdim nêeşkeno tehemmulê îqtîdarê îxmalkarî bikero ke nê mergan de qet para xo nêvîneno. Dek û dolabê îqtîdarî Erdlerzo ke sey felaketa seserre ame binamekerdene de hema mexdurîyet nêamebî derbazkerdene, îqtîdar kewt etîrê weçînayîşî û xebatî dayî destpêkerdene. Na dewlete herinda ke dejê hemwelatijanê xo bipişna û înan het de biba, nika weçînayîşî nîqaş kena ke do na reye dek û dolabanê senîyan ser bikewa. Dewlete hetkarî nêkena Vizêr kanalê televîzyonêkî de yew bername estbî û ewja de ame vatene ke dewletê hemdemî wextê korona de bi helîkopteran pere û hetkarî ronayî balkonanê hemwelatijanê xo, la Tirkîya de heta ke zanayîşê kokê merdimî daxî nêrî girewtene û kontrolê nasnameyî nêro kerdene hemwelatijî nêeşkenê tu hetkarîyêke bigêrî. Dewlete hetkarîya hemwelatijanê xo nêkena. No mird nêkeno, pereyê ke kampanyayan û bacê depremî ra arê dîyayî zî kena xezîneya xo û pereyê şarî yê ke seba roja xirabe arê dîyabî, seba îqtîdarî yenê xerckerdiş ya zî şinê kasaya înan. 17ê tebaxa 1999î de serê xeta Kocaelî, Golcuk û Yalovaye de girdîya ci 7,4î de erdlerz qewimîya û nizdîyê 20 hezaran kesan nê erdlerzî de dinyaya xo bedilnaye. Mexdurîyêtê ke o wext vejîyayî raşte nika hîna giran vejîyenê raşte. Yanî yeno na mana ke nê welatî aye wextî ra heta nika tu gamêke nêeşta û aver nêşîyo.