Serekê Fraksîyonê YNKyî yê Parlamentoyê Iraqî Herêm Kemal Axayî dîyar kerd ke bi îşxalê dewleta tirke serwerîya erd û hasmênî ya Iraqî yena binpaykerdene.

Nêrazîbîyayîşê vera hêrişanê dewleta tirke ya îşxalkere yê serê Herêmanê Pawitişî yê Medya dewam kenê.

Serekê Fraksîyonî Herêm Kemal Axayî derheqê hêrişanê îşxalî yê dewleta tirke de eşkerayîyêka nuştekîye daye.

Eşkerayîya Kemal Axayî de ame vatene: ”Operasyonê leşkerî yê Tirkîya yê vera Herêma Kurdîstanî yenê manaya binpaykerdişê serwerîya erd û hasmênî ya Iraqî. Hetê bînî ra nê hêrişî vera prensîbanê komelê mîyandewlete û cîranîya mabênê Iraq û Tirkîya yê. Xora operasyon û hêrişanê verênen de zî vejîya werte ke meseleyê zerreyî yê Tirkîya bi çekan çareser nêbenê. Eqsê ci no meseleyan giranêr keno.”