Lîderê Têgêrayîşê Sadrî yê Iraqî Muqteda Es Sadr û Serekkomarê Iraqî Berhem Salîh vera hêrişanê dewleta tirke qet razî nîyo.
Sadrî twitter de eşkerayîyêke daye û hêrişê dewleta tirke yê vera Herêma Kurdîstanî binpaykerdişê heqê serdestîye yê Iraqî şermezar kerdî. Sadrî vat eke hêrişî dewam bikerê ê do bêveng nêmanê û venga dewleta tirke da ke meseleyan pê dîyalogan çareser bikera.
Serekkomarê Iraqî Berhem Salîhî zî derheqê hêrişanê îşxalî yê Tirkîya de eşkerayîyêke daye. Salîhî vat: ”Nê hêrişî vera ma yenê kerdene. Ma wazenê wa mesele pê dîyalogan bêra çareserkerdene. Ma hêrişanê dewleta tirke red kenê û qebul nêkenê. Ma wina pawenê ke Tirkîya hûrmetê heqanê ma yê serdestîye bikera. Polîtîkaya ma ya teberî û birê ma yê dewleta Iraqî hêrişê dewleta tirke red kenê. Ma do qetî ney qebul nêkerê.”