Hemserekê Konfederasyonê Sendîkayanê Kedkaranê Umûmîye (KESK) Mehmet Bozgeyîkî ard ziwan ke meaşê karmendan 6750 lîra yo û no meaş binê sînorê vêşanîye de yo.

Goreyê Dezgehê Îstatîstîkî yê Tirkîya (TUÎK) enflasyon menga hezîrane de bî se ra 4.95 û pêro serre de bî se ra 78,6. Grûba Cigêrayîşî ya Enflasyonî (ENAG) zî enflasyono serrane sey se ra 175,5 pare kerd. Goreyê hûmaranê TUÎKî ferqê enflasyonî ra zî nêeşkeno meaşan vejo serê sînorê vêşanîye.

Hemserekê Konfederasyonê Sendîkayanê Kedkaranê Umûmîye (KESK) Mehmet Bozgeyîkî ANFyî rê qisey kerd û dîyar kerd ke hûmarê TUÎKî raştîye ra dûrî yê.

Bozgeyîkî vat: “Enflasyonê bazarî hûmaranê TUÎKî ra 3-4 kat zêdeyêr o. Wexto ke ma ewnîyeno enflasyonê sotemenî se ra 93, enflasyonê xida se ra 23î ra zêdeyêr o. Ewro meaşê karmendan 6750 lîra yo û ê teqawutan 4600 lîra yo. No meaş xora binê sînorê vêşanîye de yo. Ma sey KESKî wazenê ke meaşê karmendan serê sînorê xizanîye ra zêdeyêr bibo.”