Berdevkê Kremlînê Dimitriy Peskovê ku di televizyona CNN’ê de tev li bernameyekê bû têkildarî şerê di navbera Rûsya û Ukraynayê de axivî. Peskov da zanîn ku ger metirsiyeke li ser hebûna Rûsyayê peyda bibe, Putîn dikare çekên nukleerî bikarbîne.

Peskov wiha got:“Ger metirsiyekî ku hebûna dewleta me ji holê rake hebe, Putin dikare çekên nukleerî bikarbîne.”

Li ser pirsa ku Putin li Ukraynayê gihaye armanca xwe an na de jî Peskov ev tişt anî ziman:“Hêj negihaye armancên xwe. Tevgerekî leşkerî ya taybet e. Operasyona me berê hatiye plankirin û li gor armanca xwe dimeşe.”