Amedijan polîtîkayê ekonomî yê îqtîdarî rexne kerdî û ard ziwan ke krîzê ekonomîkî ra nêeşkenê debara xo bikerê.
Ridvan Keserî pare kerd ke Erdogan mesuldarê meseleyanê ekonomîkan o û vat: “Erdogan xo rê vano ekonomîst. La heta ke o nêşoro krîzo ekonomîk do çareser nêbo. Heta ke Erdogan çimeyan seba saltanatê xo û dormeyê xo xerc bikero şar do xizan bibo.”
Devrîm Denîzî vat: “Rewşa ekonomîke xirab a. Şarê Amedî binê maeşê asgarîyî de xebitîyeno. Rîyê polîtîkayanê xelatan ra ekonomî nê halî de ya. Seba ke dewlete bi xeletî, polîtîkayanê şaşan û sîyasetê nakokî ekonomî îdare kena, ma wina ancenê.”
Mehmet Yaşarî vat: “Ameyoxê domananê ma çin o. Derheqê wextê ameyoxî de yew hêvîya ma zî çin a. Nê welatî de merdimê 40 serrî wayîrê gemîyan ê la merdimê 60 serrî yê bînî dora meaşê teqawutbîyayeyî de yê.”
Seyda Goyanayî vat: “Ez serrêke ra nata nêşina loqante. Ez nêeşkena goreyê zerrîya xo werd biwera; çunke pere çin o. Ez înan ê ke bi nê rezaletî qayîl ê rê çîyêkî nêvana. Ez nê merdimanê ke raya xo danê nînan û şikir kenê rê dejena.”
