Pirtûka bi navê ‘Nameya Serencamê Yan Kelama Xezîneyê’ ji weşanxaneya Sîtavê derket. Pirtûk ji aliyê Dr. Sidiq Sefîzade ve hatiye nivîsîn û wergera wê ya kurdiya kurmancî ji aliyê Muhsîn Ozdemîr û Sabîr Ebdulahîzad ve hatiye kirin. Ev pirtûka ku li ser ola yarsanan e, yekemîn car e bi kurmancî çap dibe. Nameya Serencamê qala pirtûk û nivîsarên ku sedsala berê yên der heqê Hewramanê de agahiyan dide, bal dikişîne ser dewlemendiya hebûna zana, ronakbîrên herêmê. Pirtûk ji şeş beşan pêk tê. Ev metnên resen ên ku bi goranî wek raz û helbest hatine honandin, bi awayekî zelal hatine latînîzekirin.
AMED
