Li navçeya Kîlîmlî ya Zongûldakê, di kaneke medenê ya taybet de ji ber sedemeke ne diyar teqîn çêbû û 4 karker di teqînê de birîndar bûn. Tîmên tehliyekirinê yên Saziya Komira Kevir a Tirkiyeyê (TTK) sewqî cihê bûyerê hatin kirin.
Li gorî nûçeya ku Ajansa Mezopotamyayê (MA) der bas kiriye; birîndar Ersoy Mankir, Ramazan Kamîl Çelebî, Îlyas Kabûk û Alî Gezer ji kanê hatine derxistin û bi ambûlansan ew şandine Nexweşxaneya Dewletê ya Zongûldakê. Rewşa karker Kabûk û Gezer ji ber ku giran bûye sewqî Nexweşxaneya Bajêr a Enqereyê hatine kirin.
Hat destnîşankirin ku teqîn di dema ku karker dest ji kar ber dane û derketine pêk hatiye.
