Fermandarê Giştî yê HSD’ê Mazlûm Ebdî êrîşa hewayî ya ser Balefirgeha Navneteweyî ya Silêmaniyê şermezar kir û wiha ragihand: “Em ê peywendiyên xwe yên bingehîn li gel bira û hevpeymanên xwe yên li Silêmaniyê re berdewam bikin.”

Fermandarê Giştî yê Hêzên Sûriyeya Demokratîk (HSD) di der barê êrîşa hewayî ya ser Balefirgeha Navneteweyî ya Silêmaniyê li ser hesabê xwe yê malpera dijîtal bi tundî êrîşa ser Balefirgeha Navneteweyî ya Silêmaniyê şermezar kir.

Fermandarê Giştî yê HSD’ê Mazlûm Ebdî her wiha diyar kir ku binpêkirinên li Iraq û Sûriyeyê berdewam in û li ser herêmê bandorên cidî çêdikin û wiha got: “Helwesta Yekitiya Niştîmanî ya ji bo piştgiriya birayên xwe yên li Sûriyeyê, Tirkiyeyê bêzar dike. Peywendiyên me yên bingehîn yên li gel bira û hevpeymanên me yên li Silêmaniyê re wê berdewam bikin. Li dijî van binpêkirina yekrêzin.”