Sunday, September 19, 2021

Nîjadperestan Aydin de 3 kesî lînç kerdî

Komêka nîjadperestan qezaya Efelerî ya Aydinî de pê bahaneya şewatê daristanan rayîrî birnayî û wesayîtêkî ra 3 kesî lînç kerdî.

Komêka nîjadperestan qezaya Efelerî ya Aydinî de pê bahaneya şewatê daristanan rayîrî birnayî û wesayîtêkî ra 3 kesî lînç kerdî. Dîmenê serebûtî medyaya dîjîtale de ameyî vilakerdene. Dîmenan de yeno dîyene ke taxa Emîrdoganî ya Efelerî de şewa 4ê tebaxe de komêka bi desan nîjadperestan wesayîtêk vindarnena û hêrişê wesayîtî kena.

Cendirmeyî îxbar ser o ameyî cayê serebûtî û înan 3 mexdûrê lînçî destbend kerdî. Dîmenan de yeno dîyene ke tewr tay 100 kesî sloganê ‘Wa geber bibê’ vanê û heqaretan kenê.

Dîya zanayene ke zereyê wesayîtî de 3 kesî estbîyî. Wextê hêrişî de tay kesî vanê ‘Vinderê, mekerê, şima do merdiman bikişê’ û kome pê çuwan û huyeyan hêrişê wesayîtî kenê. Dîmenan de aseno ke zerarêko pîl reseno wesayîtî, wextê hêrişî de kesêk pê huyeyî camî şikneno û pê huyeyî hêrişê kesanê zereyê wesayîtî keno. Plakaya wesayîtî zî hetê hêrişkeran ra pa bîya.

Derheqê nasname û rewşa mexduranê hêrişî de agahîyêke nêameye destvistene. AYDIN

Nîjadperestan Aydin de 3 kesî lînç kerdî

Komêka nîjadperestan qezaya Efelerî ya Aydinî de pê bahaneya şewatê daristanan rayîrî birnayî û wesayîtêkî ra 3 kesî lînç kerdî.

Komêka nîjadperestan qezaya Efelerî ya Aydinî de pê bahaneya şewatê daristanan rayîrî birnayî û wesayîtêkî ra 3 kesî lînç kerdî. Dîmenê serebûtî medyaya dîjîtale de ameyî vilakerdene. Dîmenan de yeno dîyene ke taxa Emîrdoganî ya Efelerî de şewa 4ê tebaxe de komêka bi desan nîjadperestan wesayîtêk vindarnena û hêrişê wesayîtî kena.

Cendirmeyî îxbar ser o ameyî cayê serebûtî û înan 3 mexdûrê lînçî destbend kerdî. Dîmenan de yeno dîyene ke tewr tay 100 kesî sloganê ‘Wa geber bibê’ vanê û heqaretan kenê.

Dîya zanayene ke zereyê wesayîtî de 3 kesî estbîyî. Wextê hêrişî de tay kesî vanê ‘Vinderê, mekerê, şima do merdiman bikişê’ û kome pê çuwan û huyeyan hêrişê wesayîtî kenê. Dîmenan de aseno ke zerarêko pîl reseno wesayîtî, wextê hêrişî de kesêk pê huyeyî camî şikneno û pê huyeyî hêrişê kesanê zereyê wesayîtî keno. Plakaya wesayîtî zî hetê hêrişkeran ra pa bîya.

Derheqê nasname û rewşa mexduranê hêrişî de agahîyêke nêameye destvistene. AYDIN