Friday, October 22, 2021

No bazar bazarê gonîne yo

Gulçîn Adar

Hîn tarîxî estê ke hezar serrî ser de derbaz bibê zî nînê xovîrrakerdiş. Nê tarîxan ra yew zî 10ê Teşrîna Verêne ya 2015î yo. Ma tay qala no tarîxo gonîne bikerê ke aye roje se bibî. 10ê Teşrîna Verêne de bi qerardayîşê xeylê sendîqayan raşteyê Garê Anqarayî de Mitîngê Aştîye amebî organîzekerdiş. Her cayê welatî ra bi hezaran însanî vere xo dabî Anqara û saete 10.00 de Garê Anqarayî de kom bîbî. Tutî, ciwanî, kal û pîrî pêro pîya bî yew vengî, vengdayîşê aştîye kerdêne û no raşte de vengê aştîye zimayêne. Her kes bi hêvî bî ke do aştî bîyarê nê welatî û do êdî tu kes semedê fikrê xo, nîjadê xo nêro kiştiş. Labelê gonîwerî aye roje ne çekuya aştîye û ne zî însanê ke aştî waştêne rê tehemul nêkerdê û coka planê xo yê wehşetinan amade kerdî.

Aştîheskerdoxê ke amadekarîya qirkerdişî ra bêhayî bî, verê ke qetlîyam pê bêro bi vengêko berz deyîra “Destê înan de pankartî, nê tutî şinê. Wurzê payan wurzê, nê tutî şinê. No bazar, bazarê gonîne yo!..” qîrayî. Wexto ke bi coş û kêfweşî na deyîre vatêne bi teqayîşêko pîl deyîre reyde asmên de vila bîyî, bîyî mîlçika aştîye û perayî serê birînan de. No bazar bazarê gonîne bî, bazarê verg û çeqalan ke çiqas gonî bişiminê zî nêbîne mird bî. Wehşîyê ke peynîya xezebê înan nêameyîne bazarê aştîye açarnayê bazarê gonîye.
Bazarê gonî de tutî, ciwanî û pîrî tede xeylê kesî bîyî qurbanîyê aştîye. Tewr tay 103 kesî dinyaya xo bedilnayî. 103 ganî, 103 aştîwaştoxî, 103 qehremanî!.. Eynî wextî de nêzdîyê 500 tenî zî birîndar bibî. Birîndarê ke hema zî birîna înan derman nêbibî, bîyî şahidê wehşetêk pîl. Hem hetê vînîkerdişê embazanê xo, hemrayanê xo de û hem zî hetê psîkolojî de xeylê tesîr bîyî. Wina birînêka ke heta bi hetaye aye birîne baş nêbena û gonî rijnena. Birîna înan birînêka akerde ya. Çike edaletêk ke tay bo zî zerrîya merdimî rehet bikero çinî yo. Ne kesî yenê cezakerdiş û ne zî heyfê înan yeno girewtiş. Xora xeylê serebûtan de failî yenê nimitiş û seke nînê zanayîş yenê ramojnayîş. No qirkerdiş zaf zelal bi ke hetê kamî û çi kesan ra amebî plankerdiş. Her çiqas DAIŞ no serebûtî bigîro serê xo zî ma zanê ke DAIŞ bi destê kamî pîl beno û senî weye beno, kamî ra hêz gêno. Îqtîdar bi polîtîkayê xo zaf zelal ramojneno paştdayîş dano kamî.

Înan 5ê Hezîrane de Mitîngê HDPyî de zî rîyê xo ramojnayî. Gama ke teqayîş virazîya vera ke hetkarî bikero, hêrişê birîndaran û kesê ke mitîng de bî kerd û eynî çî Garê Anqarayî de zî virazîya. Merdim tîya de zano ke no bi zanayîş û bi destek ameyo kerdiş. Tewr zaf kerdoxî nêdîyayîşê cezaye ra hêz gênê û coka ra nê serebûtî dewam kenî. La çîyêk kenê xo vîrî ke se beno wa bibo şar fek têkoşînê xo ra, waştişê aştîye ra vera nêdano. Kesê ke mitîng de kom bîbî zî zanayêne bedelê her çî esto û no welatî de tewr zaf bedelê aştîye giran o. Eke ti aştî biwaza ti zîndan zî, merg zî, birîndarî zî dana verê çimanê xo. 40 serrî ra zêde yo ke bedelê aştîye yeno dayîş. No şar semedê cuyêka têduşte heta nika rastê her tewir qirkerdişî ameye. Ne bombavaranê înan, ne teqemenîyê kîmyewî yê înan, ne îşkenceyê înan û ne zî guleyê înan serê aştîheskerdoxan de kêmî nêbîyo. Beno ke gonîwerî însanetî ra fehm nêkerê û her tewir qirkerdişan pê bîyarê û vajê qey do bi şîdetê xo însanan bêveng bikerê la zaf şaş fikirîyenê. Çimkî çiqas şêro xoverdayîş bihêz û zêde beno.
Ez wazena cangorîyê Garê Anqarayî yew bi yew bîyarê xo vîrî. Ê tena hûmarêke nîyê ganî bi nameyê xo, bi hîkayeyê xo bêrê vîrardiş. Yê ke dima ra şehîd bîyê zî ana xo vîr û vana ke tu wext alaya înan nêkewena war û her wext do rêça înan de têkoşîn dewam bikero. Do asmên de kevokê aştîye tim û tim bifirê û do azad biperê.

Nameye şehîdê aştîye ke raşteyê Garê Anqarayî de bi planêko gonîne ameyî qetilkerdiş; Abdulkadîr Uyan, Metîn Kurklu, Gokhan Akman, Orhan Işiktaş, Gulhan Karli Elmascan, Yilmaz Elmascan, Nevzat Sayan, Bîlgen Parlak, Haci Kivrak, Ridvan Akgul, Haci Mehmet Şah Esin, Gokmen Dalmaç, Elîf Kanlioglu, Hakan Dursun Akalin, Ercan Adsiz, Ayşe Denîz, Berna Koç, Fatma Esen, Gulbahar Aydenîz, Eren Akin, Canberk Bakiş, Tayfun Benol, Nîzamettin Bagci, Kasim Otur, Başak Sîdar Çevîk, Nîlgun Çevîk, Resul Yanar, Mehmet Alî Kiliç, Tekîn Arslan, Sezen Vûrmaz, Dîlaver Karharman,  Onur Tan, Ûmût Tan, Sarigul Tuylu, Dîlan Sarikaya, Alî Kîtapçi, Îsmaîl Kizilçay, Muhammet Demîr, Korkmaz Tedîk, Veysel Atilgan, Îbrahim Atilgan, Emîne Ercan, Kubra Meltem Mollaoglu, Meryem Bulut, Seyhan Yaylagul, Ebru Mavî, Alî Denîz Uzatmaz, Zîya Saygin, Vahdettîn Ozgan, Cemal Avşar, Ahmet Katurlu, Selîm Ors, Azîze Onat, Dîcle Delî, Guney Dogan, Bînalî Korkmaz, Mehmet Zakîr Karabulut, Leyla Çîçek, Metîn Peşman, Mesut Mak, Adîl Gur, Gokhan Gokbonu, Şebnem Yurtman, Osman Turan Bozaci, Îdîl Guneyî, Abdullah Erol, Mehmet Hayta, Ozver Gokhan Arpaçay, Şîrîn Kiliçalp, Uygar Coşgun, Ahmed Alkhadî, Nurullah Erdogan, Gozde Arslan, Aycan Kaya, Yunus Delîce, Sevgî Oztekîn, Mehmet Tevfîk Dalgiç, Sevîm Şînîk, Emîn Aydemîr, Fatma Karabulut, Ramazan Tunç, Erol Ekîcî, Feyyat Denîz, Necla Duran, Osman Ervasa, Ramazan Çalişkan, Vedat Erkan, Abdulbarî Şencî, Nîyazî Buyuksutçu, Gazî Guray, Sabrî Elmas, Erhan Avci, Umît Seylan, Serdar Ben, Nevzat Ozbîlgî, Hasan Baykara, Fatma Batur, Bedrîye Batur, Ata Onder Atabay, Mustafa Budak, Aga Bayar.

No bazar bazarê gonîne yo

Gulçîn Adar

Hîn tarîxî estê ke hezar serrî ser de derbaz bibê zî nînê xovîrrakerdiş. Nê tarîxan ra yew zî 10ê Teşrîna Verêne ya 2015î yo. Ma tay qala no tarîxo gonîne bikerê ke aye roje se bibî. 10ê Teşrîna Verêne de bi qerardayîşê xeylê sendîqayan raşteyê Garê Anqarayî de Mitîngê Aştîye amebî organîzekerdiş. Her cayê welatî ra bi hezaran însanî vere xo dabî Anqara û saete 10.00 de Garê Anqarayî de kom bîbî. Tutî, ciwanî, kal û pîrî pêro pîya bî yew vengî, vengdayîşê aştîye kerdêne û no raşte de vengê aştîye zimayêne. Her kes bi hêvî bî ke do aştî bîyarê nê welatî û do êdî tu kes semedê fikrê xo, nîjadê xo nêro kiştiş. Labelê gonîwerî aye roje ne çekuya aştîye û ne zî însanê ke aştî waştêne rê tehemul nêkerdê û coka planê xo yê wehşetinan amade kerdî.

Aştîheskerdoxê ke amadekarîya qirkerdişî ra bêhayî bî, verê ke qetlîyam pê bêro bi vengêko berz deyîra “Destê înan de pankartî, nê tutî şinê. Wurzê payan wurzê, nê tutî şinê. No bazar, bazarê gonîne yo!..” qîrayî. Wexto ke bi coş û kêfweşî na deyîre vatêne bi teqayîşêko pîl deyîre reyde asmên de vila bîyî, bîyî mîlçika aştîye û perayî serê birînan de. No bazar bazarê gonîne bî, bazarê verg û çeqalan ke çiqas gonî bişiminê zî nêbîne mird bî. Wehşîyê ke peynîya xezebê înan nêameyîne bazarê aştîye açarnayê bazarê gonîye.
Bazarê gonî de tutî, ciwanî û pîrî tede xeylê kesî bîyî qurbanîyê aştîye. Tewr tay 103 kesî dinyaya xo bedilnayî. 103 ganî, 103 aştîwaştoxî, 103 qehremanî!.. Eynî wextî de nêzdîyê 500 tenî zî birîndar bibî. Birîndarê ke hema zî birîna înan derman nêbibî, bîyî şahidê wehşetêk pîl. Hem hetê vînîkerdişê embazanê xo, hemrayanê xo de û hem zî hetê psîkolojî de xeylê tesîr bîyî. Wina birînêka ke heta bi hetaye aye birîne baş nêbena û gonî rijnena. Birîna înan birînêka akerde ya. Çike edaletêk ke tay bo zî zerrîya merdimî rehet bikero çinî yo. Ne kesî yenê cezakerdiş û ne zî heyfê înan yeno girewtiş. Xora xeylê serebûtan de failî yenê nimitiş û seke nînê zanayîş yenê ramojnayîş. No qirkerdiş zaf zelal bi ke hetê kamî û çi kesan ra amebî plankerdiş. Her çiqas DAIŞ no serebûtî bigîro serê xo zî ma zanê ke DAIŞ bi destê kamî pîl beno û senî weye beno, kamî ra hêz gêno. Îqtîdar bi polîtîkayê xo zaf zelal ramojneno paştdayîş dano kamî.

Înan 5ê Hezîrane de Mitîngê HDPyî de zî rîyê xo ramojnayî. Gama ke teqayîş virazîya vera ke hetkarî bikero, hêrişê birîndaran û kesê ke mitîng de bî kerd û eynî çî Garê Anqarayî de zî virazîya. Merdim tîya de zano ke no bi zanayîş û bi destek ameyo kerdiş. Tewr zaf kerdoxî nêdîyayîşê cezaye ra hêz gênê û coka ra nê serebûtî dewam kenî. La çîyêk kenê xo vîrî ke se beno wa bibo şar fek têkoşînê xo ra, waştişê aştîye ra vera nêdano. Kesê ke mitîng de kom bîbî zî zanayêne bedelê her çî esto û no welatî de tewr zaf bedelê aştîye giran o. Eke ti aştî biwaza ti zîndan zî, merg zî, birîndarî zî dana verê çimanê xo. 40 serrî ra zêde yo ke bedelê aştîye yeno dayîş. No şar semedê cuyêka têduşte heta nika rastê her tewir qirkerdişî ameye. Ne bombavaranê înan, ne teqemenîyê kîmyewî yê înan, ne îşkenceyê înan û ne zî guleyê înan serê aştîheskerdoxan de kêmî nêbîyo. Beno ke gonîwerî însanetî ra fehm nêkerê û her tewir qirkerdişan pê bîyarê û vajê qey do bi şîdetê xo însanan bêveng bikerê la zaf şaş fikirîyenê. Çimkî çiqas şêro xoverdayîş bihêz û zêde beno.
Ez wazena cangorîyê Garê Anqarayî yew bi yew bîyarê xo vîrî. Ê tena hûmarêke nîyê ganî bi nameyê xo, bi hîkayeyê xo bêrê vîrardiş. Yê ke dima ra şehîd bîyê zî ana xo vîr û vana ke tu wext alaya înan nêkewena war û her wext do rêça înan de têkoşîn dewam bikero. Do asmên de kevokê aştîye tim û tim bifirê û do azad biperê.

Nameye şehîdê aştîye ke raşteyê Garê Anqarayî de bi planêko gonîne ameyî qetilkerdiş; Abdulkadîr Uyan, Metîn Kurklu, Gokhan Akman, Orhan Işiktaş, Gulhan Karli Elmascan, Yilmaz Elmascan, Nevzat Sayan, Bîlgen Parlak, Haci Kivrak, Ridvan Akgul, Haci Mehmet Şah Esin, Gokmen Dalmaç, Elîf Kanlioglu, Hakan Dursun Akalin, Ercan Adsiz, Ayşe Denîz, Berna Koç, Fatma Esen, Gulbahar Aydenîz, Eren Akin, Canberk Bakiş, Tayfun Benol, Nîzamettin Bagci, Kasim Otur, Başak Sîdar Çevîk, Nîlgun Çevîk, Resul Yanar, Mehmet Alî Kiliç, Tekîn Arslan, Sezen Vûrmaz, Dîlaver Karharman,  Onur Tan, Ûmût Tan, Sarigul Tuylu, Dîlan Sarikaya, Alî Kîtapçi, Îsmaîl Kizilçay, Muhammet Demîr, Korkmaz Tedîk, Veysel Atilgan, Îbrahim Atilgan, Emîne Ercan, Kubra Meltem Mollaoglu, Meryem Bulut, Seyhan Yaylagul, Ebru Mavî, Alî Denîz Uzatmaz, Zîya Saygin, Vahdettîn Ozgan, Cemal Avşar, Ahmet Katurlu, Selîm Ors, Azîze Onat, Dîcle Delî, Guney Dogan, Bînalî Korkmaz, Mehmet Zakîr Karabulut, Leyla Çîçek, Metîn Peşman, Mesut Mak, Adîl Gur, Gokhan Gokbonu, Şebnem Yurtman, Osman Turan Bozaci, Îdîl Guneyî, Abdullah Erol, Mehmet Hayta, Ozver Gokhan Arpaçay, Şîrîn Kiliçalp, Uygar Coşgun, Ahmed Alkhadî, Nurullah Erdogan, Gozde Arslan, Aycan Kaya, Yunus Delîce, Sevgî Oztekîn, Mehmet Tevfîk Dalgiç, Sevîm Şînîk, Emîn Aydemîr, Fatma Karabulut, Ramazan Tunç, Erol Ekîcî, Feyyat Denîz, Necla Duran, Osman Ervasa, Ramazan Çalişkan, Vedat Erkan, Abdulbarî Şencî, Nîyazî Buyuksutçu, Gazî Guray, Sabrî Elmas, Erhan Avci, Umît Seylan, Serdar Ben, Nevzat Ozbîlgî, Hasan Baykara, Fatma Batur, Bedrîye Batur, Ata Onder Atabay, Mustafa Budak, Aga Bayar.