Friday, October 22, 2021

Wa her roje pê qetlîyaman nêra vîrardene

Valêre

Partîya Demokratîke ya Şaran (HDP) di rojî verê weçînitişê 7ê Hezîrane ya 2015î Meydanê Îstasyonî de mîtîngê ‘Merdimîya Girde’ organîze kerd. Mîtîng de hêrişo bombayin ame kerdene û 5 kesan cuya xo vîndî kerde û bi seyan kesî zî birîndar bîyî.

25ê temmuza 2015î de endamê Federasyonê Komeleyanê Ciwanan ê Sosyalîstan (SGDF) ra xeylê kesî tede 300 ciwanî Stenbolî ra û cayanê bînan ra kewtî rayîr. Dima ke Qeymeqamî reyde pêvînayîş ame kerdene ciwanan waşt ke verê berê Merkezê Kulturî yê Amara de eşkerayîye bidê çapemenîye. Wexto ke Merkezê Kulturî yê Amara de seba hetkarîya Kobanê eşkerayî ameyêne dayene DAIŞî hêrişê înan kerd û netîceya hêrişê bomba de 33 kesan dinyaya xo bedilnaye.

10ê Teşrîna Verêne zî sey nê rojan roja sîyaye ê qetlîyamêko gonîne ya. Nê roje û tarîxê gonînî werikna nêameyêne cuyayene û neslo ke bêro pê nê qetlîyaman nê rojan yad nêkerdêne.

Anqara de 10ê Teşrîna Verêne ya 2015î de Mîtîngê Aştîye ame organîzekerdene û hende coş û atmosferêko kelecanin estbî ke xeylê bajaran ra merdimî verê xo dabî Anqara û kesê ke nêameybî Anqara zî televîzyonan ra û bi rayîrê tewrbîyayoxan ra mîtîng taqîp kerdêne. Yanî coşêko sey Newroze şarî mîyan de estbî û raşteyê Garê Anqara bi merdiman dekerde bî. Coş û kelecanê ewja o ke verê qetlîyamî estbî bi çekuyan nîno tarîfkerdene. Deyîr, pankart û siloganê aştîye cayê mîtîngî de zimayêne, seke aştî pê ameyo kêfweşî hakim bî. Dima ra vengêk ame û her çî xeripna, qetlîyam pê ame. Êdî aye roje bî roja sîyaye ya gonîne.
Ê ke qetlîyamî ra weş xelîsîyayî zî dekewtî gonîya embazanê xo û mîyanê gonî de vînî bîyî. Bi seyan merdiman cuya xo vînî kerd, bi seyan merdiman zî birîndar bîyî. Bedenê xeylê kesan aye roje nîmcet mend û parçeyê bedenêk xo raşteyê Garê Anqara de verda. Xeylê kesî zî bedeno ke tira rih verîyayo ê way, bira, cinî, mêrde, laj, kêna, embaz, hemra û medimanê xo de parçe parçe bîyî. Ê ke aye roje cuyayî nêeşkenê tarîfê aye roje bikerê. Dejê heme kesan yew bibî. aye roje nîna vîrîkerdene. 103 kesî hêrişê DAIŞî de merdî. 103 qurbanê Qirkerdişê Garî reyna yenê yadkerdene la hema zî kerdox nêameyî cezakerdene.
Dinya de hema hema mîlçikek daxî wexto ke pereno hayîya dewletan pira esta û îstîxbarat hende aver şîyo ke pêro kesî bi asanî eşkenê bêrî taqîpkerdene. Xora îstîxbaratê qetlîyamî zî badê serebûtî ame zanayene ke ameyo girewtene la mudaxale nêameyo kerdene. Ê ke îstîxbaratê qetlîyamî girewtî destûrê mergî dayî. Mergê aştîwaştoxan înan nêdejneno çimkî.
Aye serre xeylê planê lêşinî serê merdiman de virazîyayî. Aştîwaştoxî bîyî hedefe îqtîdarî. Çimkî îqtîdar êdî tena serê xo nêeşkayêne bibo îqtîdar coka ra hêrişan pê ard ke ters û xofê xo bikero zerrîya merdiman. DAIŞ û weykerdoxê ci û weykerdoxê pêroyê rêxistinanê lêşinan ê dinya vera muxalîfan de her tewir plan û qetlîyamanê hovan pê anî ke xo bidî cuyayîş, emre xo derg bikerî.

Eslê xo de kerdoxê qetlîyamê winasîyan rêxistinê leşin tena nê weykerdoxê bı xo yî zî. Înan rê ceza çin o. Çimkî ê amurê domnayîşê îqtîdaran ê. Îqtîdar ceza nêdano înan, çimanê xo her tewir sucê merdimîye rê padano. Tena Garê Anqara de nê xeylê cayanê cîya cîyayan de zî qetlîyam, qirkerdiş û suîkastî virazîyayî. Îqtîdarî binkewtişan rê tehemmul nêkenê û seba serkewtişê xo muracatê her tewir lêşinîyan kenê. Nê qetlîyamî zî nê sebeban vera virazîyayî.
Wa bimiro serdestî, bindestî. Wa bicuwîyo azadî.

Wa her roje pê qetlîyaman nêra vîrardene

Valêre

Partîya Demokratîke ya Şaran (HDP) di rojî verê weçînitişê 7ê Hezîrane ya 2015î Meydanê Îstasyonî de mîtîngê ‘Merdimîya Girde’ organîze kerd. Mîtîng de hêrişo bombayin ame kerdene û 5 kesan cuya xo vîndî kerde û bi seyan kesî zî birîndar bîyî.

25ê temmuza 2015î de endamê Federasyonê Komeleyanê Ciwanan ê Sosyalîstan (SGDF) ra xeylê kesî tede 300 ciwanî Stenbolî ra û cayanê bînan ra kewtî rayîr. Dima ke Qeymeqamî reyde pêvînayîş ame kerdene ciwanan waşt ke verê berê Merkezê Kulturî yê Amara de eşkerayîye bidê çapemenîye. Wexto ke Merkezê Kulturî yê Amara de seba hetkarîya Kobanê eşkerayî ameyêne dayene DAIŞî hêrişê înan kerd û netîceya hêrişê bomba de 33 kesan dinyaya xo bedilnaye.

10ê Teşrîna Verêne zî sey nê rojan roja sîyaye ê qetlîyamêko gonîne ya. Nê roje û tarîxê gonînî werikna nêameyêne cuyayene û neslo ke bêro pê nê qetlîyaman nê rojan yad nêkerdêne.

Anqara de 10ê Teşrîna Verêne ya 2015î de Mîtîngê Aştîye ame organîzekerdene û hende coş û atmosferêko kelecanin estbî ke xeylê bajaran ra merdimî verê xo dabî Anqara û kesê ke nêameybî Anqara zî televîzyonan ra û bi rayîrê tewrbîyayoxan ra mîtîng taqîp kerdêne. Yanî coşêko sey Newroze şarî mîyan de estbî û raşteyê Garê Anqara bi merdiman dekerde bî. Coş û kelecanê ewja o ke verê qetlîyamî estbî bi çekuyan nîno tarîfkerdene. Deyîr, pankart û siloganê aştîye cayê mîtîngî de zimayêne, seke aştî pê ameyo kêfweşî hakim bî. Dima ra vengêk ame û her çî xeripna, qetlîyam pê ame. Êdî aye roje bî roja sîyaye ya gonîne.
Ê ke qetlîyamî ra weş xelîsîyayî zî dekewtî gonîya embazanê xo û mîyanê gonî de vînî bîyî. Bi seyan merdiman cuya xo vînî kerd, bi seyan merdiman zî birîndar bîyî. Bedenê xeylê kesan aye roje nîmcet mend û parçeyê bedenêk xo raşteyê Garê Anqara de verda. Xeylê kesî zî bedeno ke tira rih verîyayo ê way, bira, cinî, mêrde, laj, kêna, embaz, hemra û medimanê xo de parçe parçe bîyî. Ê ke aye roje cuyayî nêeşkenê tarîfê aye roje bikerê. Dejê heme kesan yew bibî. aye roje nîna vîrîkerdene. 103 kesî hêrişê DAIŞî de merdî. 103 qurbanê Qirkerdişê Garî reyna yenê yadkerdene la hema zî kerdox nêameyî cezakerdene.
Dinya de hema hema mîlçikek daxî wexto ke pereno hayîya dewletan pira esta û îstîxbarat hende aver şîyo ke pêro kesî bi asanî eşkenê bêrî taqîpkerdene. Xora îstîxbaratê qetlîyamî zî badê serebûtî ame zanayene ke ameyo girewtene la mudaxale nêameyo kerdene. Ê ke îstîxbaratê qetlîyamî girewtî destûrê mergî dayî. Mergê aştîwaştoxan înan nêdejneno çimkî.
Aye serre xeylê planê lêşinî serê merdiman de virazîyayî. Aştîwaştoxî bîyî hedefe îqtîdarî. Çimkî îqtîdar êdî tena serê xo nêeşkayêne bibo îqtîdar coka ra hêrişan pê ard ke ters û xofê xo bikero zerrîya merdiman. DAIŞ û weykerdoxê ci û weykerdoxê pêroyê rêxistinanê lêşinan ê dinya vera muxalîfan de her tewir plan û qetlîyamanê hovan pê anî ke xo bidî cuyayîş, emre xo derg bikerî.

Eslê xo de kerdoxê qetlîyamê winasîyan rêxistinê leşin tena nê weykerdoxê bı xo yî zî. Înan rê ceza çin o. Çimkî ê amurê domnayîşê îqtîdaran ê. Îqtîdar ceza nêdano înan, çimanê xo her tewir sucê merdimîye rê padano. Tena Garê Anqara de nê xeylê cayanê cîya cîyayan de zî qetlîyam, qirkerdiş û suîkastî virazîyayî. Îqtîdarî binkewtişan rê tehemmul nêkenê û seba serkewtişê xo muracatê her tewir lêşinîyan kenê. Nê qetlîyamî zî nê sebeban vera virazîyayî.
Wa bimiro serdestî, bindestî. Wa bicuwîyo azadî.