Li gorî nûçeya kanala televizyona El Nucebaa, serokê Koalisyona Dewleta Qanûnê Nûrî Malikî bersiva Muqteda El Sedir ya derbarê hilbijartinên pêşwext de daye. Malikî di bersiva xwe de wiha gotiye: “Heta ku parlamentoya Iraqê civîna xwe lidar nexe, ne hilbijartinên pêşwext ne jî fesixkirina parlamentoyê mijara gotinê ye.”

Çarşema borî Muqteda El Sedir  dabû xuyakirin ku divê parlamnto were fesixkirin û hilbijartinên pêşwext werin lidarxistin. Her wiha Sedir gotibû ku dê çalakiya alîgirên wî berdeweam bike heta ku hemû daxwazên wan bên bersivandin.

Hêjayî gotinê ye ku alîgirên El Sedir derdora 10 rojane dest daniye ser parlamentoya Iraqê û di nava avahiya wê de dest bi çalakiya rûniştinê kiriye.