PAJKî bi mesajêkî sîyasetkare Aysel Dogane yad kerde û ard ziwan: “Azadîye ra ber yew xeyalê ci çin bî. Aye tim seba cuya azade têkoşîn kerd.”

Koordînasyonê Partîya Azadîya Cinîyan a Kurdistanî (PAJK) bi mesajêkî sîyasetkare Aysel Dogane yad kerde ke 11ê gulane de nêweşîya kanserî ra şehîd bîye.

Mesajê PAJKî wina yo:

“Ma zaf xemgîn ê ke serewedaritoxe, mîlîtana serkêşe ya têkoşînê azadîya cinîyan, sembola felsefeya ‘puranêkê nanî û xirkayêke’ embaza ma ya Aysel Dogana dêrsimije wefat kerdo. Aysel Dogane her hel û warê têgêrayîşê ma de, vernî de ca girewt. A mîlîtanêka serkêş a têkoşînê azadîye ya cinîyan û şarê Kurdistanî bîye. Ma verê embaze Aysele de sereyê xo anê ca. Ma soz danê ke şexsê aye de rayîrê pêro şehîdan de bêmabên şorê û armancê înan bi serkewtişî tacîdar bikerê. Ma soz danê ke ma do binê teqîbkerdoxê nê têkoşînê heqîqatî yê cinîya azade, Kurdistanê azadî û dinyaya azade. Sere de keyeyê Dogane rê ma pêro cinîyan û şarê ma rê serweşîye wazenê.

Aysele cinîyêka xoverdayox û serewedaritoxe ya Dêrsimîye bîye ke vera zulmî sere wedarit. Azadîye ra ber yew xeyalê ci çin bî. Aye tim seba cuya azade têkoşîn kerd. A Kurdistan û teberê welatî de bi serran xeylêk waran de xerîbîyaye. Seba azadîya cinîyan bê hesabêkî tewrê xebate bîye. Xeylêk kede daye, erjê pîlî afernayî û seba serkewtişê Têkoşînê Azadîya Cinîyan pêro mesuldarîyê xo ardî ca. Embaza ma Aysele vera sîstemê cînsîperestî û qirkerî serkêşîya xoverdayîşêkê radîkalî kerde.”