Pinar Mansurogluya ke warkênaya Aysel Dogane ya vat ke çimê xala ci heta hela peyêne fotografê Abdullah Ocalanî de bî û pare kerd: “Aye tim qiseyê Rayberîye ‘Wayîrvejîyayîşê Dêrsimî, wayîrvejîyayîşê Kurdistanî yo’ tekrar kerdêne.”
Pinar Mansurogluya ke warkênaya Aysel Dogane ya ANFyî rê qala aye kerd.
Pinar Mansurogluye ard ziwan ke xala ci Aysele nêmeyê emrê xo zîndan de derbaz kerd, raştê îşkenceyê giranî ameye û vat: “Xala mi Aysele dima ke zîndan de kanser bîya, tehlîye bîya. Aya ke dêrsimij a kadroyanê verênan ê têkoşînê Kurdistanî ra bîye. Xala mi Aysele embaza Sara, Mazlûm, Hayrî, Kemal, Ferhat, Viyane û bi hezaran kesan bîye. Aye zaf qîmet dayêne têkoşînê cinî û ciwanan. Waştişê ci yo peyên zî haştîye bî.”
Mansurogluye îfade kerd: “Xala mi 1999 de mîyanê Koma Haştîye de waştişê Rayberîye ser o agêrabî welatê xo. Aye DAKAD zî awan kerd û têkoşînê elewîyan û elewîyîya Dêrsimî kerd. Aye tim waştêne ke azadîya kurdan bîyara ca. A torna Seyîd Rizayî ya, torna Şêx Seîdî ya. A hemraya gerîlayan bîye. Nika Kurdistan de operasyonê qirkerdişî est o. A nê operasyonî ra qerilîyayêne. Xala mi seba cuyêka rûmetêne têkoşîn kerdêne. Tewr peyên aye vatbî ‘Merg zî heq o.’ Heta peyêne hîşê ci serê ci de bî û çimê ci tim fotografê Rayberîye de bî. Aye tim qiseyê Rayberîye ‘Wayîrvejîyayîşê Dêrsimî, wayîrvejîyayîşê Kurdistanî yo’ tekrar kerdêne.”
