Heyva Sor a Kurdistanî pare kerd ke PDK destûr nêdano ke karwanê hetkarîyî seba mexdûranê erdlerzî şêrê Rojawanê Kurdistanî.
Eşkerayîya Heyva Sor a Kurdistanî wina ya:
“Rîyê erdlerzê 6ê sibate ra felaketêka girde virazîya û şarê herême zirarê pîlî dîyî. Komelanê herêmî û mîyanneteweyî seba mexdûranê erdlerzî hewldayîşê girdî dayî. Seba ke bawerîya înan bi Heyva Sor a Kurdistanî yena, waşt ke hetkarîyanê xo bi raya Heyva Sor a Kurdistanî bierşawê.
La çi heyf ke bê sebeb ma rastê xeylê astengîyan yenê. Tewr peynî vizêrî (21ê sibate) wexto ke karwanêkê hetkarîyî berê Pêxabûrî ra vîyartêne ame astengkerdene.’’
Heyva Sor a Kurdistanî nê qeraran red kena û gere nê qerarî apey biancîyî û heme hetkarîyan rê rayîr bêro akerdene.