Polîsan Hevseroka Komeleya Rojnamevanan a Dîcle Firatê (DFG) û yek ji edîtorên Ajansa Mezopotamyayê (MA) Dîcle Muftuoglû binçav kir. Polîsan di saetên serê sibê de bi ser mala Muftuoglû ya li Amedê de girtin. Polîsan li mala ku kes lê nebû lêgerîn kirin. Polîsên ku piştî lêgerînê ji malê derketin û çûn, Muftuoglû gazî îfadeyê kirin. Muftuoglû, li Miduriyeta Polîsan a Amedê ku ji bo îfadeyê bide çû, hate binçavkirin. Sedemê binçavkirina Muftuoglû nehate hînbûn.