Polîsan serê sibê li 11 bajaran bi ser gelek malan de girt. Di serdegirtina malan de Nûçegîhanê Ajansa Mezopotamya (MA) Ahmet Kanbal, siyasetmedar, parazvanên mafên mirovan û aktîvîstên jin jî di navde bi giştî 75 kes binçav kirin.
Di 1’ê cotmehê de li dijî Miduriyeta Giştî ya Polîsan a Wezareta Karên Hundir a li Enqereyê çalakiyek hate lidarxistin. Operasyonên binçavkirinê yên piştî çalakiyê hatin destpêkirin didomin. Di serdegirtinên malan ên li bajarên Îzmîr, Eskîşehîr, Kilîs, Kocaelî, Êlih, Colemêrg, Mêrdîn, Amed, Agirî, Bedlîs û Şirnexê de 75 kes hatin binçavkirin.
