Gever de aktîvîteya ke hetê qeyûman ra ameye serûber kerdene ra dima çopî mendî.
Qezaya Geverî ya Colemêrgî de Koyê Cîlo yê Satî û Gola Satî ya Cemedî 26ê êlula 2020î de bi qerarê serekkomarîye sey “Parkê Neteweyî” ameyî îlankerdene. Dekewtişê nê herêman hema pabesteyê destûrî yo.
Hetêk ra zîyaretkarî nêeşkenê destûr bîgêrê, hetekê bînî ra Walîyîya Colemêrgî û Qaymeqamîya Geverî bi hemkarîye nê herêman de “Festê Cîloyî yê 5.” serûber kenê.
Organîzasyon de sloganê “Colemêrg de cuye esta” şuxilîya. La aktîvîte ra dima maxa çopî mende. Dormeyê Gola Satî ya Cemedî ya ke binê rîskê çînbîyayîşî de ya de xeylêk çopî nêameyî arêdayene. Eşteyê tuwaletanê gêrokan zî uca de veradîyayî.
