Qeyûmanê Wanî seba kongreya AKPyî butçeya şaredarîye ra 300 hezar lîra xerc kerd. Yew zî bi 10 hezar lîra balonê bi logoyê AKPyî bi destê qeyûman virazîyayî.

Qeyûmanê Wanî seba Kongreya AKPyî ya Wanî ya 7ine butçeya şaredarîye ra 300 hezar lîra xerc kerd. Şîyayê seba kongre bale ancenê. Seba xemilnayîşê salone bi balonan 17 hezar û 500 lîra, seba xalîya sûre ya ke Erdogan do ser do şora 6 hezar lîra, seba trîbunan 7 hezar û 500 lîra, seba xemilnayîşê sehne 32 hezar lîra, seba 150 kursîyanê Hiltonî 3 hezar û 750 lîra ameye xerckerdene.

Parlamenterê DEM Partî yê Wanî Mahmut Dîndarî derheqê babete de ANFyî rê qisey kerd û dîyar kerd ke bi ferasetê destsernayîşê çimeyanê şarî îqtîdar têgêreno. Dîndarî vat: “Butçeya ke ganî şarî rê bêra xerckerdene, îqtîdar seba xo xerc keno. Wan de seba balonanê bi logoyê AKPyî xeylêk pere ameyo xerckerdene. Wexto ke ma bêrê, ma do hesabê nînan bipersê. Raporê Mehkemeya Şêwirmendîye destê ma de yê. Ma babete berde Meclîsî zî. La Meclîs zî binê kontrolê îqtîdarî de yo. Nêbeno ke butçeya şaredarîyêke seba partîyêke bêra şuxilnayene.”