Zîndanê Cinîyan ê Sîncanî de rojnamegerê tepişteyî nêeşkenê televîzyon bişuxilnê û marûzê kerdişanê taybetan manenê.
Zîndanê Cinîyan ê Sîncanî ra Mudira Karanê Nuşteyan ê Ajansê Mezopotamya Dîren Yurtsevene, muxabîra MA Bêrîvan Altane û Ceylan Şahînlî, muxabîrê JINNEWSî Habîbe Erene û Oznur Degere binpaykerdişê heqanê tepişteyan pare kerdî.
Habîbe Erene avûkata xo de qisey kerd û da zanayene ke seba ke prîzî nêxebitîyenê nêeşkenê televîzyonî bişuxilnê. Erene vat: “Ma panc rojnamegerî koxûşê F2yî de manenê û prîzî nêxebitîyenê. Coka ma televîzyon odaya embazêke de verda. Ma na mesele arde ziwan la nêameye çareserkerdene.”
Erene îfade kerd ke îdareyê zîndanî keno ke verê cuya hemkare ya rojnamegeran bigêro û seba ney ‘bi taybetî’ xîret keno.
