Cinîya kurde Jîna Emînî Tehran de hetê ‘polîsanê exlaqî’ yê Îranî ra seba ke gijikê ci asayêne amebî qetilkerdene. A roje ra nata cinîyê Rojhelatê Kurdistanî û Îranî seba Jîna Emînî mîyanê çalakîyan de yê.
Seba ke paştî bêra dayene xoverdayîşê cinîyanê Rojhelat û Îranî cinîyan Tirkîya de hesabê ”Stand With Women of Iran-Turkey’ ra mesajî pare kerdî. Na çarçewe de xeylêk sînemageranê cinîyan ê Tirkîya zî vîdeo vila kerd û paştî daye xoverdayîşê cinîyan.
Fûsûn Demîrele, Nûr Surere, Tulîn Ozene, Burcu Bîrîcîke, Melîs Bîrkane, Ayça Damgaciye, Ceren Moraye, Damla Sonmeze, Melîsa Sozene û Canan Ergudere zî tede sînemageran bi tirkî, kurdkî, farskî, erebkî, îngilîzkî, îtalyankî, almankî û spanyolkî mesajî vila kerdî.
Vîdeo de kaykerdoxe Gokşen Ateşe gijikê xo qesna û dima cinîyan nameyê Jîna vat. Vîdeo de sloganê ‘Cinîye, Cuye, Azadîye’ yo ke bîyo sembolê xoverdayîşê cinîyan yeno berzkerdene.
