Şêniyên Qeladizê li dijî êrîş û şerê dewleta tirk daketin qadan û êrişên wê yên li ser Herêmên Parastina Medyayê şermezar kirin. Endamên Komeleya Ciwanên Welatparêzên Kurdistanê û Rêxistina Jinên Ciwanên Têkoşer li dijî êrişên dewleta tirk çalakî li dar xistin. Ciwan li nava bazarê kom bûn û li Parka Qeladizê daxuyanî dan. Di çalakiyê de Şîlan Omer daxuyanî xwend û wiha got: “Dewleta tirk a dagirker bi hîncetên bêbingeh êrişên xwe yên li ser rojava û başûrê Kurdistanê berdewam dike û ev der kiriye qada şer. Divê gel, rêxistin û komên siyasî vê rastiyê bizanibin ku niha plangeriyek metirsîdar li ser tevahiya destkeftiyên gelê me heye. Lewma pêwîste li dijî derkevîn.”
Şîlan Omer bang li hemû hêzên pêşmerge û tevahiya gel û kesayetên azadîxwaz min û xwest bibin xwedî helwestin û erka xwe ya nîştimanî li hemberî dagirkerên Kurdistanê bi cih bînin û piştgiriyê bidin gerîla.
