Polîsanê tirkan Amed, Şirnex, Wan, Êlih de eşt keyeyan ser. Xeylêk kesî ameyî destbendkerdene.
Operasyonanê qirkerdişê sîyasîyî de xeylêk kesî ameyî destbendkerdene. Ame parekerdene ke beno ke hûmara destbendkerdeyan bizêdîya. Sebebê destbendkerdişan nêzanîyeno.
Şirnex de qezaya Hezexî de sereştişê polîsan de Medîne Oguz û Faîk Genç ameyî destbendkerdene. Qezaya Silopîya de sereştişan de xeylêk kesî ameyî destbendkerdene.
Wan de sereştişê Serdozgerîya Komare de taxa Koyîçî de sereştişan de Savaş Komî, Ferhat Takman û Ramazan Kamaç ameyî destbendkerdene. Destbendkerdeyî ameyî berdene bi Mudirîya TEMî.
Amed de qezaya Rêzanî de Bêrîvan Nêrgîze, endamê Meclîsê Ciwanan ê DEM Partî Peyam Kutlu, Eyup Hekîmoglu, Hêja Jîyan Arikboga, Yusuf Yokuş, Yusuf Taşçar, Oguzcan Yilmaz; Farqîn de Kerem Mengîl; Licê de Tekîn Sonsuz, Mazlûm Karabenk, Diyar Gulen û Yakup Turan ameyî destbendkerdene. Dîya zanayene ke derheqê 36 kesan de bira destbendkerdiş û tepiştişî est a.
Êlih de sereştişê keyeyan de de Halîl Yildirim, Adnan Vûral, Hamza Karaman, Kadîr Nebîoglû, Samet Aravî û Diyar Yarma ameyî destbendkerdene û derheqê 8 kesanê bînan de bira destbendkerdişî dîyaye.
