Tepişte Cemal Tanhano ke nêweşê kanserî bî, 43 rojan ra tepîya şî heqîya xo.
Zîndanê Boluyî de Cemal Tanhano (68) ke 30 serran ra nata tepişte bî, 23yê teşrîna verêne de seba ke felç bîbî wedarîyabî Nêweşxaneyê Dewlete yê Îzzet Baysalî û 27ê teşrîna verêne de zî sewqê Nêweşxaneyê Eskîşehîrî amebî kerdene.
Tanhan 6ê teşrîna peyêne de vera dîyabî û nêweşxane de ameyêne tedawîkerdene. Tanhano ke asta çarine de kanser bîbî, prosesê tedawî de hînî nêeşkayêne qisey bikero. Tanhanî 43 rojan ra dima nêweşxane de dinyaya xo bedilnaye.
