Hemserekê Pêroyî yê HDPyî Mîthat Sancar û parlamenteran Dêrsim de saete 19.38 de qurbanê Terteleyê Dêrsimî yad kerdî.
Dêrsim de bi beşdarîya Hemserekê HDPyî Mîthat Sancar, Rêxistina HDPyî ya Dêrsimî, parlamenteran Tulay Hatîmogullari, Alîcan Onlu, Zeynel Ozen, Kemal Bulbul û Alî Kenanogluyî saete 19.38 de Meydanê Seyîd Rizayî de qurbanê Terteleyê Dêrsimî yad kerdî.
Tîya de Parlamentera HDPyî Tulay Hatîmogullariye qiseykerdişêk kerd û ard ziwan ke cinîyan wextê terteleyî de seba ke maruzê tecawuzî mebê xo kendalan ra eştêne war. Tulay Hatîmogullariye vat: “Awa Munzurî sey gonî herikîyaye, ganî hînî na cografya de haştîye biba.”
Yadkerdiş bi şiwaranê hunermendan qedîya.
Qezaya Kadikoyî ya Stenbolî de serkêşîya rêxistinanê elewîyan de qurbanê Terteleyê Dêrsimî ameyî yadkerdene. Parlementera HDPyî Zuleyha Gulume, Hemserekê HDPyî yê Stenbolî, xeylêk temsîlkarê partî û dezgehan tewrê yadkerdişî bîyî. Yadkerdiş de bi kirdkî pankarta ‘Ma çîyêk xo vîr ra nêkerdo, çîyêk ef nêkerdo’ ameye akerdene. Yadkerdiş de çilayî ameyî veşnayene.
