Dewleta tirke dewa Gelale ya Şarbajêrê Silêmanî da bombayan ver. Sîvîlêk şehîd bî û di kesî zî birîndar bîyî.
Teyarayanê şerî yê dewleta tirke dewa Gelale ya Şarbajêrê Silêmanî da bombayan ver. Goreyê Rêxistina Komelê Sîvîlî CPTyî sîvîlê bi nameyê Mihemed Resulî dinyaya xo bedilnaye û di kesî zî birîndar bîyî. Goreyê zanayîşê ke CPTyî da şehîd û birîndarî pêro dewa Qamişî ra yê.
Qeymaqemê Mawetî yo ke dewa Gelale pabesteyê ci ya, Kameran Hasanî RojNewsî rê qisey kerd. Hasanî vat: “Dewleta tirke pê teyarayanê şerî dewa Gelale ya ke nêzdîyê qezaya Şarbajêrî ya Silêmanî de ya da bombayan ver. Sîvîlê ke bombarduman de ameyî hedefgirewtene, semedê çînayîşê vajî şîbî koyan ser.’’
Teyarayanê şerî eynî herême hîrê rey da bombayan ver. Hukmatê Herêma Kurdistanî û Bexdadî ra hema eşkerayîye nêameya.