Namzeta Meletî ya Partîya Çep a Keske Perîhan Kocakaya vat ke ê serkewtiş ra bawer kenê û wina qisey kerd: “Şar hewceyê asayîş û aramî yo. Ma do nînan bîyarê ca. Ma nêzdîyê serkewtişî yê, ma bi îdîa yê. Ma seba vurnayîşî amade yê.”

Yucekaya pare kerd ke ê roja verêne ra nata mexdûranê erdlerzî zîyaret kenê û vat: “Merdimê  ma ameyî qetilkerdene. Sebebê nê serebûtan îqtîdar û şaredarîya AKPyî ya. Ma wazenê meseleyanê Meletî parlamento de qisey bikerê. Ma do parlamento de mexdûrîya erdlerzî ya şarê xo bipersê. Ma do bibê vengê citkaran. No ca se ra 70î pîyasaya mişmişan a dinya ya. Vaybîyayîşê mazotî ra şar nêeşkeno zîretî bikero. Ma do parlamento de heqanê citkaran biwazê.”

Yucekaya pare kerd ke her parlamentera/o ke Meletî ra do vejîya/o do bivurna/o. Aye wina qisey kerd: “Dew û qezayanê Meletî de canê ma qetil bîyî. Operasyonê qirkerdişê sîyasî vera kurdan dewam keno. Erdlerzî ra cade dima Rojawan dîya bombayan ver. Şar hewceyê asayîş û aramî yo. Ma do nînan bîyarê ca. Ma nêzdîyê serkewtişî yê, ma bi îdîa yê. Ma seba vurnayîşî amade yê.”