Ji bihayê benzînê re duh lîreyek 55 qirûş zem hate kirin. Bi vê zema dawî, piştî du mehên bi ser hilbijartinê re derbas bûne, ji sedî 90.4 zem li benzînê hate kirin. Li gel zema nû hatiye kirin, bihayê benzînê gihişt 38 lîreyan. Li Enqere û li Îzmîrê bihayê benzînê ji 38 lîreyan derbas bû.
Beriya tûra yekem a hilbijartina 14’ê Gulanê li Stenbolê bihayê benzînê 19,81 lîre bû û li gel zeman û zêdebûna bihayê dolar, bihayê benzînê derket 37,71 lîreyan.
Herwiha li gorî bihayên hatine nûkirin li Stenbolê bihayê mazotê bû 38,34 lîre, bihayê benzînê jî bû derdora 37,71 lîre.
