Goreyê raporê Jinnewsî menga tebaxe de 30 cinîyî û 6 domanî ameyî qetilkerdene.

Jinnewsî raporê şîdetî yê menga tebaxe eşkera kerd.

Goreyê raporî menga tebaxe de 30 cinîyî û 6 domanî ameyî qetilkerdene, 18 cinîyî û 3 domanî zî bi hawayêkê şikdarî merdî.

Netîceya polîtîkaya şerê taybetî de Vakurê Kurdistanî de şîdetê unîformekerdeyan zêdîyayo. Raporê Jinnewsî de zî ame vîrvistene ke Şirnex de Fîrdevs Babata 17 serre hetê cerdevan Ahmet Babatî ra ameya qetilkerdene û kekê ey zî pê sûcdarîya tecawuzî tepişîyayo.

Goreyê raporî 12 cinîyî hetê camêrdanê ke tede zewijnaye bîyê ra, 2 cinîyî hetê mêrdeyanê xo yê verênan ra, 3 cinîyî hetê camêrdanê ke waştêne tira cîya bibê ra, 3 cinîyî hetê cîrananê xo ra, 2 cinîyî hetê lajanê xo ra, cinîyêke hetê merdimê xo ra, 1 cinîye hetê waştîyê xo ra ameyî qetilkerdene û faîlê 5 cinîyan zî nêzanîyenê.