31 partî û rêxistinên jinan ên kurd, ereb û suryan ên li Bakur û Rojhilatê Sûriyê têkildarî tecrîda li ser Rêberê PKK’ê Abdullah Ocalan daxuyanî dan. Nûnerên partiyan li pêşiya avahiya Têkiliyan û Şêwira Dîplomatîk a li Qamişloyê daxuyanî dan. Li ser navê nûnerên partiyan Endama Însiyatîfa Sûriyê ya ji bo azadiya Rêber Abdullah Ocalan Xîtam Mihemed daxuyanî xwend. Xîtam Mihemed di daxuyaniyê de diyar kir ku hêzên komploger bi armanca şikandina vîna gelê kurd û hedefgirtina Rojhilata Navîn komploya navneteweyî ya li dijî Ocalan pêk anî. Xîtam Mihemed bal kişand ser raproên CPT`yê û bang li Meclisa Ewropayê kir ku agahiyên dîtir der bar rewşa Ocalan de parve bike.
Mihemed li ser têkoşîna Rêberê PKK’ê Abdullah Ocalan a ji bo çareseriyê rawestiya û wiha got: “Têkoşîna Birêz Ocalan û Tevgera Rizgariya Kurdistanê, têkoşîneke rewa ya diyarkirina çarenûsa xwe ye. Her wiha armanc dike, doza gelê Kurd û gelên Rojhilata Navîn çarser bike û êdî doza kurd li herêmê bûye dozeke sereke û beyî çareserkirina wê aştî û aramî li herêmê û Kurdistanê pêk nayê.”
Partiyan û rêxistinên jinan diyar kirin ku azadiya Rêber Abdullah Ocalan bi çareserkirina doza kurd, pêkanîna aştî û aramiyê li Tirkiyê û herêmê ve girêdayî ye û bang li gelên Bakur û Rojhilatê Sûriyê û partiyan kir ku roleke girîng bilîzin da ku azadiya fîzîkî ya Rêber Ocalan pêk were.
Partiyan û rêxistinên jinan destnîşan kirin ku ew piştgiriya azadiya Rêber Abdullah Ocalan dikin ku dê doza kurd çareser bibe û ewlehî li herêmê pêk were.
Partiyên tev li daxuyaniyê bûne ev:
Partiya Çepgir a kurd li Sûriyê, Şepêla Pêşerojê ya Kurdistanê, Partiya Aştiya Demokratîk a Kurdistanê, Tevgera Guhertin a Sûriyê, Partiya Guhertina Demokratîk a Kurdistanê, Partiya Kesek a Demokratîk, Yekitiya Kedkaran a Kurdistanê, Partiya Yekitiya Demokrat a Kurd li Sûriyê, Partiya Nûjkirin a Kurdistanê, Partiya Demokrat a Kurd li Sûriyê (PARTÎ), Partiya Wîfaq a Demokrat a kurd li Sûriyê, Partiya Kombûna Nîştimanî ya Kurdistanê, Partiya Biratî ya Kurdistanê Partî Demokrat a Kurdistanê-Sûriyê, Partiya Demokrat a Kurdistanê-Rojavayê Kurdistanê, Partiya Yekitiya Demokratîk (PYD), Partiya Sûriya Pêşerojê, Partiya Yekitiya Suryan, Partiya Demokrat a Pêşverû, Partiya Roj a Demokratîk a Kurd li Sûriyê, Partiya Têkoşîna Demokratîk û Partiya Komarê ya Kurdistanê. Partiya Lîberal a Kurdistanê, Partiya Yekitiya Nîştimanî ya Azad, Partiya Nûjen û Demokratiyê ya Sûriyê, Partiya Komunîst a Kurdistanê, Desteya Nîştimanî ya Erebî, Partiya Muhafizkeran, Partiya Çepgir a Demokratîk a Kurdistanê, Kongre Star.
