Tevî ku nêzî 6 mehan di ser hilbijartinên pêşwext re derbas bûn hê jî Iraqê bê serokkomar e. Berıya niha 2 caran parlamentoya Iraqê ji bo destnîşankirina serokkomarekî civîn pêk anîn lê di herdu civînan jî ji ber nakokiyên di nava aliyên siyasî de nikaribûn serokkomarekî destnîşan bikin. Îro dîsa parlamentoya Iraqê bi heman armancê dicive lê tê texmînkirin ku dîsa nikaribin serokkomarê xwe hilbijêrin ji ber hin aliyên iraqî tevlêbûna van civînan boykot dikin û tev li civînan nabin.
Heke di vê civînê de nikaribin hejmara pêwîst a tevlêbûna parlamenteran bidest bixin dê dîsa civîn bê encam bimîne û Iraqê jî bê serokkomar bimîne.
