Namzedê Partîya Çep a Keske yê Sêrtî Tuncer Bakirhanî ard ziwan ke seba wedarnayîşê sîstemê cîyakerî ganî merdimî raya xo bidê û wina qisey kerd: “Ez pê bawer a ke way û birayê ma yê sêrtijî cinî û ciwanê ma bi nê ferasetî wayîrê raya xo vejîyê.”

Bakirhanî îfade kerd ke Sêrt de bêkarîye meseleyêka pîl a û na mesele qestî ra yena pîlkerdene. Bakirhanî ard ziwan ke îqtîdar keno ke kurdan pê vêşanîye, koçkerdiş û dûrvistişê nasnameyê xo dîzayn bikero.

Bakirhanî vat: “Sêrt de merdimî xoza ra azadîye wazenê. Ez venga her kesî dana ke 14ê gulane de şoro sindoqan ser. Ganî hînî Tirkîyayêka newîye bêra awankerdene. Seserra verêne de na komare zaf nasnameyî çin hesibnayî. Seserra diyîne de seba ke Tirkîyayêka demokratîke awan biba, ciwanî nêtepişîyê, ciwanî bibê wayîrê karî, cinîyî nêrê qetilkerdene ganî weçînitoxî raya xo bidê. Seba ke sîstemo cîyaker werte ra bêro wedarnayene ganî merdimî raya xo bidê. Seba hemwelatîbîyayîşê têdûştî ganî ma şorê raydayîşî. Ez pê bawer a ke way û birayê ma yê sêrtijî cinî û ciwanê ma bi nê ferasetî wayîrê raya xo vejîyê.”