Înîsîyatîfê Vera Çekanê Kîmyewîyan û Amnesty International-Berlin (Rêxistina Efû ya Mîyanneteweyî ya Berlinî) vera şuxilnayîşê çekanê kîmyewîyan nêrazîbîyayîşê xo mojna.
Paytextê Almanya Berlin de Înîsîyatîfê Vera Çekanê Kîmyewîyan ronîyabî. Heyetêkê înîsîyatîfî yo ke Mehtap Erole, Niştiman Tarhane û Enver Şenî ra yeno pê, Amnesty International-Berlin (Rêxistina Efû ya Mîyanneteweyî ya Berlinî) de pêvînayîş kerd. Pêvînayîş de texrîbatê çekanê kîmyewîyan û têkoşîno hempar ameyî nîqaşkerdene.
Pêvînayîş de ame parekerdene ke bêvengîya rayaumûmîya mîyanneteweyî û sîyasetmedaran a vera hêrişanê kîmyewîyan ê dewleta tirke nêna qebulkerdene. Heyetî vist vîrî ke seke Sereka TTByî Prof. Dr. Şebnem Korur Fîncanciye vatbî ganî heyetê xoserî herême de cigêrayîşan bikerê.
Pêvînayîş de bire dîyaye ke heyetî vera şuxilnayîşê çekanê kîmyewîyan pîya têkoşîn bikerê û derheqê babete de bi eşkerayîya çapemenîye agahîyan bidê rayaumûmîye.
