Rêxistinên Partiya Demokratîk a Gelan (HDP) û Partiya Çepên Kesk ên Colemêrgê têkildarê berdest kirinên dawîn ên li bajêr daxuyanî dan. Dayikên Aştiyê, parlamenterên Partiya Çepên Kesk ên Colemêrgê Vezîr Parlak û Onûr Duşunmez, rêveberên Şaxê Komeleya Mafên Mirovan (ÎHD) ê Colemêrgê, Şaxê Komeleya Hiqûqnasên ji bo Azadiyê (OHD) û gelek welatî tev li daxuyaniyê bûn.
Parlamenter Onur Duşunmez di daxuyaniyê de axivî û wiha got: “Li Colemêrgê her sal di 15’ê Tebaxê de bi dehan kes tên berdestkirin. Bi destgîrkirinê dikevin hewila krîmînalîzekirina welatiyan. Dayikên me yên bi emir û kesên bi fîzîkî astendar jî hatine berdestkirin. Nezaretxane ji bo şert û mercên tenduristiyê ne guncav in. Heke bang li kesên berdestkirî bihata kirin wê jixwe biçûna da ku îfade bidin. Lê serê sibehê bi ser malê wan de hatiye girtin û hatine berdestkirin.
Duşunmez wiha dawî li axavtina xwe anî: ‘’Ev destgîrkirin ne hiqûqî ne. Nezaretxane ne paqij in. Nabe ku dayikên bi emir bi operasyonan serê sibehê bên berdest kirin. Em dizanin ku wê dest bi lêpirsînê neyê kirin. Ev operasyon di 15’ê Tebaxê de hat lidarxistin. Anku ketin hewila krîmînalîzekirina welatiyan. Her 15’ê Tebaxê welatî tên berdeskirin û bi pişt re tên berdan.’’
Piştî axaftina Duşunmez, welatiyan dirûşmeya “Zext nikarin me têk bibin” berz kirin.
