Vervatoxê Rêxistina Heqanê Merdiman a Sûrîye-Efrînî Îbrahîm Şêxoyî vat ke cergî Efrîn de merdiman remnenê û qetil kenê û wina qisey kerd: “Teşrîna verêne de 2yê ci cinîyî cergan 20 kesî remnayî.”

Kantonê Efrînî de ke binê îşxalê dewleta tirke de yo, sucê vera merdimatîye û sucê şerî dewam kenê. Vervatoxê Rêxistina Heqanê Merdiman a Sûrîye-Efrînî Îbrahîm Şêxoyî derheqê babete de ANHA rê qisey kerd.

Şêxoyî vist vîrî ke dewleta tirke Efrîn de cergê xo cakerdê û nê cergî her hawayî sucan kenê. Şêxoyî vat: “Cergî merdiman remnenê, qetil kenê, şantaj kenê, xoza vêşnenê, daran birnenê û demografîya herême vurnenê. Teşrîna verêne de 2yê ci cinîyî cergan 20 kesî remnayî. Cergî dest nanê zeytunêranê şarî.”

Şêxoyî bale ante ser ke dewleta tirke cergê Heyet Tehrîr El Şamî (El Nusra yo verên) ardê Efrînî û vat: “Cergan şarî rê bacî ferz kerd û xesadê zeytunan ra seke xerac gênê bacî wazenê. Heyet Tehrîr El Şam û cerganê bînan wekaletê roniştoxanê ke bi zorî dîyayê koçkerdene, betal kerdî.”