Yewîya Tabîbanê Almanan Tirkîya rê mektubêk şawit û waşt Sereka Yewîya Tabîbanê Tirkan Şebnem Korur Fîncanciye vera bidîya.
Serekê Konseya Merkezî ya Yewîya Tabîbanê Tirkan (TTB) Şebnem Korur Fîncanciye seba ke waştbî hêrişê kîmyewîyî bêrê cigêrayene tepişîyabî. Yewîya Tabîbanê Almanan Erdoganî rê mektubêk şawit û waşt ke Fîncanciye vera bidîya.
Mektub de yeno vatene ke waştişê Fîncanciye çarçewa azadîya fikran û îfadeyan de yo, bi tepişîyayîşê aye azadîya fikr û îfadeyan ameya binpaykerdene û xoserîya karê doktorîye rê hêriş ameyo kerdene. Mektub de ame vîrvistene ke heqê doktoran est o ke derheqê binpaykerdişanê heqanê merdiman de qisey bikerê û no erkê pêro doktoran o.
Mektub de ca dîya ke Yewîyanê Tabîban ê Berlin, Hessen û Hamburgî, IPPNW, Komela Tabîbanê Demokratan (VDAA) û Sendîkaya Wendekaranê Tibî û Tabîban zî wazenê wa Fîncanciye vera bidîya.
