Wezîrê Karên Derve yê Çînê Wang Yi diyar kir ku heke ew û Rûsyayê mil bidin hev, dikarin pergala cîhanî bi ewle bihêlin û pêşî li welatên hegemon bigirin, ên ku dixwazin serdestiya cîhanê bixin bin kontrola xwe.”
Di daxuyaniya ku wezareta karên derve weşandiye de Wang Yi wiha got: “Ez bawer im heke ev herdu hêzên mezin ango Rûsya û Çînê hevkariya hev bikin dê pergala cîhanî li ser xwe bimîne û dê bêtir li gorî prensîbên cîhanî were tevgerîn, wiha jî dê ew hêzên hewl didin her tiştî bixin bin kontrola xwe, nikaribin me têk bibin.”
Her wiha Wang Yi bal kişandin ser nexweşiya Covîdê jî û wiha got: “Divê kes vê nexweşiyê bi aliyê siyasî de nekişîne, divê ew welatên hegemon vê yekê ji xwe re nekin behane ji bo destwerdana karên welatên din bikin.”
