Desthilata AKP-MHP’ê ku di polîtîkaya xwe ya şer de israr dikin û li ser planên nû yên êrîşên li dijî kurdan dixebitin, piştî çend mehan careke din gaza siruştî û ceyranê zem kirin. Şîrketa Anonîm a Petrol û Xetên Boriyan (BOTAŞ) û Saziya Sererastkirina Piyasa Enerjiyê (EPDK) rêjeyên zemên ku ji îro ve derbasdar in aşkera kirin.
Saziya Sererastkirina Piyasa Enerjiyê (EPDK), ceyrana di pîşesaziyê de bê bikaranîn ji sedî 50, ceyrana di saziyên xizmetên taybet û cemaweriyê de bê bikaranîn ji sedî 30 û ceyrana di malan de bê bikaranîn jî ji sedî 20 zem kir. Bi vê zemê re 100 KWh ceyrana ku bê xerckirin bi 173,46 lireyî bibe mal.
Şîrketa Anonîm a Petrol û Xetên Boriyan (BOTAŞ) jî gaza di pîşesaziyê de bê bikaranîn ji sedî 50,8, gaza di saziyên xizmetên taybet û cemaweriyê de bê bikaranîn ji sedî 47,6 û gaza di malan de bê bikaranîn jî ji sedî 20,4 zem kir.
