Rojnameya Heftane

Fîlm ji bo Heskîfê ne

Bernameya Festîvala Fîlman a Yilmaz Guney hat aşkerakirin. Îsal di çarçoveya festîvalê de dê gelek fîlm bên nîşandan û her wiha temaya bingehîn a festîvalê warê dîrokî Heskîf e

Şaredariya Êlihê, Akademiya Sînemayê ya Rojhilata Navîn û Kolektîfa Sînema Nû hevpar di 25-29’ê adarê de Festîvala Fîlman a Yilmaz Guney a 8’emîn li dar dixin. Festîval dê li Navenda Çand û Hunerê ya Ahmet Guneştekîn a Şaredariya Êlihê were birêvebirin. Komîteya festîvalê, navên fîlmên ku di festîvalê de werin nîşandan aşkera kir.

 Komîteya Festîvalê ragihand ku 165 fîlm û 52 serlêdanên pêşketî hatine kirin û 4 kurtefîlm û 4 belgefîlm jî ji bo pêşketina projeya fîlm a kargehê hatine bijartin. Komîteyê da zanîn ku di çarçoveya festîvalê de, dê 13 fîlmên metrajdirêj, 17 belgefîlm û her wiha 21 kurtefîlm bên nîşandan.

Komîteyê ragihand ku wan dixwest hîn bêtir fîlman bidin nîşandan lê ji ber cihê pêşandana fîlman kêm in ew neçar mane hejmara fîlman daxînin. 

Afîş û temaya festîvalê jî diyar bû. Di afîşê de wêneyê derhênerê kurd Yilmaz Guney û wêneyê Heskîfa di bin ava bendava Ilisûyê de dimîne cih digirin. Temaya bingehîn a festîvalê jî wek Heskîfê hat diyarkirin. Navê fîlm û derhênerên wan ên ku di festîvalê de werin nîşandan wiha ne:

 Kurtefîlm

 Veger – Selman Denîz, Fotograf – Ozan Takiş), Aralik (Kanûn) – Çayan Bîlgîn, Son Eylûl (Payîza Dawî) – Gulsun Odabaşi, Ziyafet – Firat Ozeler, Avarya – Gokalp Gonen, Karganın Aşınan Gagası – Ferhat Ozmen, Barê Giran – Yılmaz Ozdîl, Haziriyek Bo Derengmayînê – Aram Dildar, Kêm – Halîs Saritag, Kavil – Ozcan Alper, Duyuyormusun Anne (Tu Dibihîzî Dayê) – Tuna Kaptan, Kefaret Yagmuru (Barana Kefaretê) – Veysel Çelîk, Welatek Hebû – Hebûn Polat, Bang – Denîz Derya, Tor – Ragip Turk, Stain – Shoresh Vakîlî, Şeker Gida (Zexîreya Şekir) – Freman Naîn, İmparatorlukta Zor Bir Gun (Di Împaratoriyê de Rojeke Zor) – Sezen Kayhan, Sevgi Dedigin (Tişta Tu Jê Re Dibêjî Hezkirin) – Firat Yavuz, Cadi Uçlemesi (Sêbareya Pîrhebokê) – Ceylan Ozgun Çelîk.

Fîlmên metraj dirêj 

Borç (Deyn) – Vuslat Saraçoglû, Zor Bir Karar (Biryareke Zor) – Ender Ozkahraman, Zer – Kazim Oz, Di Navberê De – Alî Kemal Çinar, Yuva (Hêlîn) – Emre Yeksan, Guvercîn (Kevok) – Banû Sıvacı, Guvercîn Hırsızları (Dizên Kevokan) – Osman Naîl Dogan, Görulmuştur (Hatiye Dîtin) – Serhat Karaaslan, Sîbel -Çagla Zencirci û Guillaume Giovanetti, Îçerdekîler (Yên Li Hundir) – Huseyin Karabey, Hacivat ve Karagoz Neden Olduruldu? (Hacîwat û Karagoz Çima Hatin Kuştin?) – Ezel Akay, Kiz Kardeşler (Xwişkên Hev) – Emîn Alper.

Belgefîlm

Diyalog – Selîm Yildiz, Ather – Ruken Tekeş, Kumun Gecesi (Şeva Xîzê) – Alî Ergul, Biraktigin Yerden ‘700 Hafta’ (Li Cihê Te Hiştiye 700 Hefte) – Volkan Guney, Di Bîra Min De Ye -Soner Akalin, Bîr -Veysî Altay, Prenses Model – Dîlan Engîn, Tebeşîr -Ozge Astan, War – Felat Erkozan, Siya Avê – Metîn Yoksu, Odisseias Ulkesinde Çikmaz Sokak (Li Welatê Odisseias Zaboq) – Serhat Ertuna, Miraz – Serdar Bayram, Her Mal Dibistanek –Ardîn Dîren, Annemin Sinemalari (Sînemayên Dayika Min) – Cansel Karacan, Amîna – Kivilcim Akay, Bakiş Açisi – Mustafa Koksalan, Arkadaşim Çayan (Hevalê Min Çayan) – Hevalên Çayan. AMED