Filmê Berbû dê sibê li bajarê Dêrikê were nîşandan. Savinaz Evdikê ku bi xwe ji xelkê Serêkaniya Binxetê ye, Senaryoya vî filmî amade kiriye û derhunerî jî wê bi xwe kiriye. Çîroka film dema dagirkirina Serêkaniyê girtiye dest.
Çîroka 3 jinên Serêkaniyê ye. Dema ku amadekariyên dagirkeriya bajêr dihate kirin yek ji wan jinan amadekariya daweta xwe dikir. Jina duyemîn jî di roja daweta xwe de dibe penaber û ya sêyemîn jî piştî ku Serêkaniyê tê dagirkirin û penaber dibe daweta xwe di dibistaneke ku di koçberiyê de lê bicih bûne de dike.
Savinaz Evdikê bi vê çîrokê dagirkirina bajarê xwe vedibêje û wekî film li ber çavên temaşevanan radixe. Posterê film ji alî şêwekar Enterê Şewo ve hatiye xêzkirin.
Ev film di 31-8-2022’an de cara yekem li bajarê Dêrikê li navenda Dijle ya çand û hunerê tê pêşandan.
