Rêxistinên hiqûq û mafên mirovan ÎHD, OHD, ÇHD û TUHAY-DER’a Egeyê bal kişandin ser rewşa girtiyê nexweş Ahmet Çakal û xwestin demildest Ahmet Çakal berdin. Rêxistinên mafan û hiqûqê li avahiya ÎHD’ê civîna çapemeniyê li dar xistin. Rêxistinan bal kişandin ser girtiyê nexweş Ahmet Çakal (68) ê li Girtîgeha Tîpa R ya Menemenê. Rêveberê ÎHD’ê Ahmet Çîçek daxuyaniya hevpar xwend. Çîçek, destnîşan kir ku Çakal 27 sal in girtî ye û bi gelek nexweşînên giran re rûbirû ye Çîçek xwest demildest Çakal serbest berdin.
